Tótenshe jaǵdaılar departamenti eskertý jasady.
"Qazgıdromet" RMK Almatyda 26 maýsymda 35 gradýsqa deıin aptap ystyq bolady dep boljady, dep habarlaıdy Almaty-akshamy.kz
Tótenshe jaǵdaılar departamenti qala turǵyndary men qonaqtaryn kún sáýlesiniń áserinen saqtaný úshin serýenge shyqpaýdy eskertti.
Vedomstvo myna qaýipsizdik sharalaryn saqtaýdy usynady:
Kún sáýlesi tikeleı túsetin jerlerde múmkindiginshe az bolýǵa tyrysyńyz. Esińizde bolsyn, saǵat 12: 00-den 16: 00-ge deıingi ýaqytta kúnniń sáýlesi belsendi bolady. Deneni kún sáýlesinen qorǵap, jabyq kıim kıýge tyrysyńyz jáne kúnnen qorǵaıtyn syqpa maılar qoldanyńyz;
Alkogóldi ishimdik ishpeńiz – alkogól ystyqta aǵzaǵa tez áser etedi;
Suıyqtyqty (salqyndatylǵan sý, mıneraldy sý) múmkindiginshe kóp ishýge tyrysyńyz;
Denege salmaq túsirmeńiz. Qatty júkteme ystyqta jylý almasýdy arttyrady da aǵzany sýsyzdanýǵa ákelip soqtyrady;
Avto kóliktermen uzaq saparlardy shekteýińiz kerek, eger bul múmkin bolmasa, jolda múmkindiginshe abaı bolyńyz, sebebi, qatty ystyqtan adam ózin ózi nashar sezinýi múmkin jáne reaksıa tómendeıdi. Balalardy avto kólikterdiń ishine az ýaqytqa bolsa da qaldyrmańyz. Qatty ystyqtan bala esinen tanyp qalýy múmkin.