Almatynyń Barıbaeva kóshesinde úlken aǵash Mercedes-Benz markaly jeńil kóliktiń ústine qulap, ony tolyǵymen basyp qaldy. Bul týraly Aqshamnews.kz saıty habarlaıdy.
Oqıǵa kýágerleri aǵashtyń kenetten qulaǵanyn aıtyp, qutqarý qyzmetine dereý habar bergen. Tótenshe jaǵdaı ornyna kelgen mamandar benzopıla men arnaıy tehnıkany paıdalanyp, 100-120 sm dıametrli aǵashty birneshe saǵat ishinde kesip, kólikti bosatty.
Qulaǵan aǵashtyń astynda adamdar bolmaǵandyqtan, zardap shekkender joq. Degenmen, kólikke eleýli zaqym kelgen. Qutqarý jumystary tún ortasyna deıin jalǵasqan.
Jergilikti bılik aǵashtardyń tehnıkalyq jaǵdaıyn baqylaýdy kúsheıtý qajettigin atap ótti. Maman pikirinshe, mundaı jaǵdaılar aǵashtardyń qartaıýy men aýa raıynyń áserinen týyndaýy múmkin.