Ol ýaqytsha ustaý ızolátoryna qamaldy.
Almatyda áıelderge shabýyl jasap, alqa urlaýdy kásip etken ury qolǵa tústi, – dep habarlaıdy Almaty-akshamy.kz
Polisia.kz. málimetine sáıkes, tek áıelderge shabýyl jasap, moıyndaryndaǵy alqany urlaýdy qoljetimdi tabys túrine aınaldyrǵan 42 jastaǵy er adam qolǵa tústi. 1981 jyly týǵan K.esimdi azamatqa qatysty 9 tonaý deregi boıynsha aıyp taǵylyp otyr. Kúdikti QR QPK-niń 128-babyna sáıkes ýaqytsha ustaý ızolátoryna qamaldy. Onyń áreketi QR QK-niń 191-baby 3-bóligimen (Tonaý) kvalıfıkasıalanady.
«Epızodtardyń birinde Jetisý-3 yqshamaýdanynda kúdikti belgisiz qyzdyń sońynan erip, oǵan shabýyl jasap, altyn alqany ıemdenip, qylmys ornynan boı tasalaǵan. Jábirlenýshi materıaldyq shyǵyndy 250 myń teńgege baǵalaǵan. Búginde sotqa deıingi tergeý amaldary júrgizilip jatyr», – dedi Áýezov aýdandyq polısıa basqarmasynyń basshysy Ulan Ábilqaıyr.
QR QPK-niń 201 babyna sáıkes ózge aqparattar tergeý múddesine oraı jarıalaýǵa jatpaıdy. QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyq buzýshylyq jasaýda kinásiz dep tanylady.