Búgin Respýblıka kúnine oraı Balýan Sholaq atyndaǵy saraıda (Baluan Sholak Arena) Almaty Sport Fest atty aýqymdy sporttyq baǵdarlamadan turatyn festıvál ótýde. Almaty Sport Fest festıvali qala qonaqtaryn Baluan Sholak Arena, Olimpic Arena jáne ABAI Arena keshenderinde ótetin sport seksılarymen qýantýda. Sonymen qosa belgili sportshylar men jattyqtyrýshylar da sheberlik saǵatyn ótkizýde.
Atalmysh sharanyń negizgi maqsaty – sportty damytý jáne osy keshenderde sportpen aınalysatyndardyń sanyn arttyrý. Bıyl Baluan Sholak Arena óziniń 55 jyldyǵyn atap ótedi. Osynshama ýaqyt ishinde qanshama aýqymdy sporttyq sharalar ótkizilgeni jasyryn emes.
Qazirgi tańda Baluan Sholak Arena, Olimpic Arena, ABAI Arena sport keshenderinde 20 sport seksıasy jumys isteıdi. Bul kórsetkish budan da ósetini anyq. Jaqyn ýaqytta jeke ınvestısıalardy tartý arqasynda sport kesheniniń astyńǵy jáne úshinshi, tórtinshi qabattarynda jańa seksıalar ashylmaq. Sport kesheninde sportpen aınalysýǵa, jattyǵýlar jasaýǵa barlyq jaǵdaı jasalǵan.