Almaty men Pýsan týystas qalalar arasyndaǵy yntymaqtastyq týraly kelisimniń 1 jyldyǵyna oraı 24 tamyzda Jambyl atyndaǵy Qazaq memlekettik fılarmonıasynda «Sazgen sazy» fólklorlyq-etnografıalyq ansambli men Pýsan qalalyq dástúrli káris mýzykasy orkestriniń merekelik konserti ótti.
Sapar aıasynda Ońtústik Koreıadan kelgen qonaqtar «Medeý» bıik taýly sport kesheni men Almatynyń injý-marjany – «Shymbulaq» taý shańǵysy kýrortyna bardy, dep habarlaıdy Almaty-akshamy.kz.
Delegasıa músheleri qalanyń taýly jerlerge jaqyn ornalasýyn, kýrorttardyń, kórkem shatqaldar men kólderdiń bolýyn atap ótip, sport nysandaryna joǵary baǵa berdi.
Almatynyń týrısik áleýetin arttyrý jáne damytý qalalyq týrızm basqarmasynyń basym mindetiniń biri. Shynaıy arhıtektýrasy men baı mádenı ómirin eskere otyryp, megapolıste mádenı-tanymdyq (mýzeılerge, teatrlarǵa, mádenı is-sharalarǵa barý), MICE týrızm (halyqaralyq forýmdar, konferensıalar men kongrester), taý (shyńǵa shyǵý, álpınıser, snoýbordshylar, shańǵy áýesqoılary qaýymdastyǵynyń kezdesýleri t.b.), sonymen qatar, gastronomıalyq syndy týrızmniń san túri qatar damyp otyr.