656 qarjylandyrylǵan joba jáne 2,7 myń jańa jumys orny: Almatyda kásipkerlikti damytý baǵdarlamasy jumys isteıdi
Almaty Business-2025 kásipkerlikti damytýdyń óńirlik baǵdarlamasy aıasynda «Almaty» ÁKK – niń enshiles kompanıalary - «Almaty Finance» JSHS jáne «Almaty» MQU JSHS arqyly 36,3 mlrd teńgege 656 joba qarjylandyryldy, dep habarlaıdy aqshamnews.kz
İsin jańa bastaǵan jáne jumys istep turǵan shaǵyn jáne orta kásiporyndarǵa bıznesti bastaýǵa nemese damytýǵa 7 jylǵa deıingi merzimge jyldyq 2% jáne 6% jeńildikti mólsherlememen qaryzdar berildi.
Ónerkásiptik, ınovasıalyq, eksportqa baǵdarlanǵan jobalar, kreatıvti ındýstrıa, shaǵyn ónerkásiptik parkter (JPP) jobalary, sondaı-aq Almatynyń arnaıy ekonomıkalyq jáne ındýstrıaldy aımaqtarynyń aýmaǵynda iske asyrylatyn jobalar qaraýǵa basym bolyp tabylady.
Osy jyldyń birinshi jartyjyldyǵynyń qorytyndysy boıynsha Almaty Finance jáne «Almaty» MQU qala boıynsha 4,5 mlrd teńge somaǵa 55 jobany qarjylandyrdy, osy jobalar aıasynda 348 jumys ornyn (690 jumys orny) qurý kózdelýde.
Shaǵyn ónerkásip parkteriniń qurylysyn qarjylandyrýmen qatar, bıznesti damytýǵa arnalǵan qaryzdardy óndiris jáne qaıta óńdeý, densaýlyq saqtaý, bilim berý, sondaı-aq áleýmettik kásipkerlik, kreatıvti ekonomıka jáne týrızm salalaryndaǵy jobalardy iske asyratyn kásipkerler aldy. Sondaı-aq, sport jáne halyqqa qyzmet kórsetý salasyndaǵy jobalar qarjylandyrýmen qamtamasyz etildi.
- Kásipkerlikti damytý baǵdarlamasynyń qoldanylý kezeńinde 2019 jyldan bastap 2024 jyldyń birinshi jartyjyldyǵyna deıin 36,3 mlrd teńge somasyna 656 joba qarjylandyryldy, 2 716 jumys orny quryldy.
- Kásipkerlerdi qoldaýǵa bólingen búdjetten 25,3 mlrd teńge qaıtarymdy-revolverlik qarajatty paıdalaný esebinen 36,3 mlrd teńge somasyna qarjylandyrýdy qamtamasyz etýge múmkindik berdi.
- Jyl sońyna deıin «Almaty» ÁKK Almaty Finance jáne «Almaty» MQU arqyly Almaty Business-2025 aıasynda qarjylandyrýdyń jalpy kólemin 42 mlrd teńgege deıin jetkizý, keminde 5 mlrd teńge somaǵa jobalardy qosymsha qoldaýdy josparlanýda.
Anyqtama: 2024 jyly Almaty Finance nesıesiniń eń joǵary somasy 500 mln teńgeni, al «Almaty» MQU - da-73,8 mln teńgeni quraıdy.