Onyń óz balalaryna bereshegi 5 mıllıon 144 myń 362 teńgeni quraǵan
Úkim Almatydaǵy kámeletke tolmaǵandardyń isteri jónindegi mamandandyrylǵan aýdanaralyq sotynda shyqty. Alıment tólemeıtin qaskóı bir jylǵa bas bostandyǵynan aıyryldy, dep habarlaıdy Almaty-akshamy.kz.
Almaty qalalyq Polısıa Departamentiniń málimetinshe, qylmystyq isti anyqtaý Basqarmasy tergegen.
«İs boıynsha, 1990 jyly týǵan Ch.esimdi azamat, bes jyl boıy eki kishkentaı balasyna alıment tóleýden jaltaryp kelgen. Ózin qorǵaý úshin er adam resmı kirisi joq ekenin alǵa tartty. Sotqa deıingi tergeýmen anyqtalǵandaı, kúdiktiniń kirisi bolǵan, ol jaı ǵana alımentterdi qasaqana tólemegen. Onyń óz balalaryna bereshegi 5 mıllıon 144 myń 362 teńgeni quraǵan. Sot úkimimen Ch.esimdi azamat sot zalynda qamaýǵa alyndy», - dedi, Almaty qalalyq polısıa Departamenti bastyǵynyń orynbasary, polısıa polkovnıgi Rústem Ábdrahmanov.