Almatyda Alǵys aıtý kúninde 17 is-shara ótedi.
Kóktemniń alǵashqy kúni el turǵyndary Alǵys aıtý kúnin atap ótedi. Aıta ketý kerek, Alǵys aıtý kúni Qazaqstan halqy Assambleıasynyń qurylǵan kúnimen tuspa-tus keledi, onyń ókilderi almatylyqtardy quttyqtap, Óńirlik komýnıkasıalar qyzmeti alańynda Alǵys aıtý kúnin atap ótý josparlary týraly aıtty, dep habarlaıdy Almaty-akshamy.kz.
Almaty qalasynyń QHA orynbasary habarlaǵandaı, «Qazaqstandaǵy orys mádenı ortalyǵy» qoǵamdyq birlestiginiń Almatydaǵy fılıalynyń tóraǵasy Vsevolod Lýkashev Almatyda respýblıkalyq jáne qalalyq eki Dostyq úıi bar ekenin, sondaı-aq, 20 etnomádenı ortalyq bar ekenin aıtty. Olardyń árqaısysynda merekelik is-sharalar josparlanǵan.
«Bul kúni merekelik konsert, Alǵys aıtý kúnine arnalǵan kezdesýler men konferensıalar, kóshpeli sırk qoıylymy, spektáklder, qýyrshaq shoýlar, dóńgelek ústelder, aksıalar jáne t.b josparlanǵan. Bular - resmı is-sharalar. Biraq ár mádenıet oshaǵy óz etnosynyń ishinde, uıymynyń aıasynda óz is-sharalaryn ótkizedi. Sondyqtan olardy tizip shyǵý is júzinde múmkin emes», - dep bólisken spıker barlyq qajetti aqparatty Assambleıa men Almaty qalasy ákimdiginiń resmı saıttarynan alýǵa bolatynyn aıtty.
Assambleıa bastamasymen ótkizilip jatqan is-sharalar tek dástúrli BAQ-ta ǵana emes, ǵalamtor keńistiginde de keń rezonansqa ıe bolýda, dep atap ótti Almaty qalasy QHA Jýrnalıser klýbynyń tóraıymy, respýblıkalyq «Deutsche Allgemeine Zeitung» nemis basylymnyń bas redaktory Olesá Klımenko.
«Alǵys aıtý kúni aıasynda atalyp ótetin barlyq is-sharalar, árıne, barlyq etnomádenı basylymdarda óz materıaldaryn tabady. Odan bólek, biz árqashan este qalatyn datalarǵa, sonyń ishinde memlekettik merekelerge qatysty arnaıy shyǵarylymdardy shyǵarýdy, bizdiń etnomádenı BAQ paraqshalarynda tanystyrylǵan túrli pikirlerdi, adamdardyń qyzyqty taǵdyrlary, túrli mamandyq ókilderi bul etnomádenı BAQ betterinde usynylatyn túrli pikirlerdi shyǵarýdy josparlap otyramyz,», - dedi O.Klımenko.
Almaty qalasy QHA orynbasary bir ǵana Almatynyń ózinde júzden astam etnos ókilderi turatynyn eske saldy. Olardyń barlyǵyn elimizde ózara yntymaqtastyq pen beıbitshilik ornatýǵa degen ortaq nıet biriktiredi.
«Alǵys aıtý kúni – bárimizdiń rahmet aıtý múmkindigimiz. Barlyq etnostarǵa, pravoslavtarǵa, musylmandarǵa, ıýdeılerge tamasha elimizde beıbitshilik pen turaqtylyqty saqtap otyrǵandary úshin alǵys aıtamyn. Biz bul eldi birtutas Qazaqstan halqynyń kúshimen birge jasap, damytyp jatyrmyz», - dep túıindedi sózin Vsevolod Lýkashev.