Almatyda alǵash ret urlanǵan tehnıkalardy anyqtaıtyn saıt iske qosyldy

Jobany qalalyq prokýratýra men «Atameken» kásipkerler palatasy júzege asyrǵan

Almatyda alǵash ret urlanǵan tehnıkalardy anyqtaıtyn saıt iske qosyldy. Jobany qalalyq prokýratýra men «Atameken» kásipkerler palatasy júzege asyrǵan, dep habarlaıdy Almaty-akshamy.kz Almaty.tv-ge silteme jasap.

Elimizde alǵash ret Urlanǵan.kz platformasy iske qosyldy. Búgin Almaty qalasy prokýrorlary men Atameken kásipkerler palatasy saıtty resmı túrde tanystyrdy.

Saıtqa sońǵy jyldary qala aýmaǵynda qoldy bolyp, polısıaǵa aryzdanǵandardyń 100 myńnan asa qurylǵysy engen. Onyń arasynda kompúter, telefon, elektrondy saǵat sıaqty tehnıkalar bar.

«Qazirgi tańda saıttardan qolma-qol satyp alady. Satyp alarda, taýardy aldyn ala tekserýge bolady. Sonda urlanǵan zattyń satylyp ketpeýine kedergi bola alady», – dedi qalalyq prokýratýranyń resmı ókili Nursultan Jıdelbaı.

Mamandar bul qarapaıym tutynýshyǵa ǵana emes, taýardy qaıta satatyn kásipkerlerge de paıdaly degen senimde. Óıtkeni saýdagerler qoldanylǵan tehnıkalardyń urlanǵanyn ózderi de bilmeı, bastary jıi daýǵa qalatyn kórinedi.

«Urlanǵan telefondar kóp keledi. Satyp ta úlgermeımiz keıde. Polısıa qyzmetkerleri kelip telefonlarymyzdy alyp ketedi. Aqshasyz da, telefonsyz da qalamyz. Bizge óte tıimdi boldy bul programma», – dedi kásipker Ilár Asanov.

Jobany jasaýshylar Almatymen shektelip qalmaı bul baǵdarlamany el aýmaǵyna da taratýdy josparlap otyr. Saıtty ózge de aqparattyq bazalarmen biriktirý de kózdelgen.