Almaty Ortalyq qalalyq klınıkalyq aýrýhanasynda alǵash ret donorlyq nurly qabyqty almastyrý otasy jasaldy. Biregeı oftalmologıalyq otany dáriger Gúlzat Abdraımovanyń jetekshiligimen mamandar toby júrgizdi, dep habarlaıdy aqshamnews.kz
IV dárejeli keratokonýs dıagnozy qoıylǵan naýqas joǵary tehnologıalyq aralasýdyń arqasynda kózdiń kórýin qalpyna keltirýge múmkindik aldy.
"Eger ota shuǵyl jasalmasa, naýqas kórý qabiletin tolyq ári turaqty joǵaltar edi. Keratokonýstyń IV dárejesinde nurly qabyq juqa jáne shyǵyńqy bolady, kórý qabileti tez nasharlaıdy jáne hırýrgıalyq aralasýsyz ony qaıtarý múmkin emes", — dep túsindirdi dáriger Gúlzat Abdraımova.
Ota sátti ótti jáne naýqas qalpyna kelip jatyr.
"Men bul álemdi kórýdi qaıta úırenip jatyrmyn. Tumanda uzaq jyldar ómir súrgennen keıin, qaıta týǵandaımyn. Maǵan úmit pen jaryq bergen úshin dárigerlerge rahmet", - dep rızashylyǵyn bildirdi naýqas.
Endi kórýdi qalpyna keltirý múmkindigi kóptegen adam úshin múmkin bolady.
Almaty OQKA búginde kózishilik lınzany ımplantasıalaýdy, vıtreoretınaldy aralasýdy, rekonstrýktıvti hırýrgıany, glaýkomany, kataraktany emdeýdi jáne halyqaralyq standarttarǵa sáıkes keletin basqa da aralasýdy qosa alǵanda, joǵary tehnologıalyq oftalmologıalyq otanyń barlyq túrin júrgizedi.
Endi oftalmologtardyń kásibı biliktiginiń arqasynda naýqastar keratoplastıkaǵa qol jetkize alady.