Almatyda HÁOT sanattaryna komýnaldyq qyzmetter baǵasynyń ósýin óteý úshin áleýmettik tólem ulǵaıtylady
Almatyda HÁOT sanattaryna komýnaldyq qyzmetterge tarıfterdiń ósýi óteledi
Halyqtyń áleýmettik osal sanattaryna komýnaldyq qyzmetter tarıfteriniń ósýi óteledi. Bul týraly ÓKQ brıfıńinde Almaty qalasy Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov málimdedi.
Almatyda halyqtyń áleýmettik osal toptary sanatyna jatatyn 315 myń azamat turady.
«Investısıalarǵa aıyrbastaý tarıfi» baǵdarlamasy sheńberinde ákimniń tapsyrmasy boıynsha 2023 jylǵy 1 shildeden bastap mólsheri 0,5 aılyq eseptik kórsetkishti (1725 teńge) quraıtyn komýnaldyq qyzmetter baǵasynyń ósýine baılanysty halyqtyń áleýmettik osal toptarynyń 8 jekelegen sanatyna (HÁOT) ótemaqy tóleý túrinde áleýmettik kómek kórsetiledi», - dep atap ótti B. Jaýbasov.
Ol 2023 jylǵy 1 qarashadan bastap elektr energıasyna baǵanyń ósýine baılanysty áleýmettik kómek mólsheri 0,6 AEK-ke (2070 teńge) deıin ulǵaıtylǵanyn aıtty.
2023 jyly osy kómek túri jalpy somasy 1,4 mlrd teńgege 315 myń adamnan 133 myń adamǵa kórsetildi. 2024 jyly jergilikti búdjetten 0,6 AEK mólsherinde ótemaqy tóleý úshin 4,1 mlrd teńge bólindi.
2024 jyldyń naýryz aıynan bastap 1 kVt úshin elektr energıasynyń baǵasyn ózgertý josparlanýda., jeke tulǵalar úshin «elektr energıasyn biryńǵaı satyp alýshy» modelin 10% - ǵa engizýge baılanysty (23,13 teńgeden bastap. 25,55 teńgege deıin., 2,42 tg. QQS eseptemegende), bul turǵyn úıde elektr energıasy úshin tólemdi 505,78 teńgege kóbeıtýge ákep soǵady. (209 kVt.*2,42 tg.).
«HÁOT qosymsha áleýmettik qoldaý sharalaryn kórsetý jáne qarjylyq júktemeni azaıtý úshin qoldanystaǵy áleýmettik kómektiń mólsherin 2024 jylǵy 1 naýryzdan bastap, erejelerge tıisti ózgerister engize otyryp, 0,75 AEK (2769 tg.) deıin arttyrý usynylady», - dep atap ótti salalyq basqarmanyń basshysy.
Osyǵan baılanysty Almaty qalasynyń ákimdigi áleýmettik tólem mólsherin 2024 jylǵy naýryzdan bastap 0,75 AEK (2769 teńge) deıin ulǵaıtýdy kózdeıdi. Aıyrmashylyq 0,15 AEK (553 tg.) elektr energıasy baǵasynyń eseptik ósýin tolyǵymen jabady.
- Onyń ishinde jetim balalarǵa tıesili (1143 adam) áleýmettik tólem alýshylar tizbesin keńeıtý josparlanǵan.
- Tólemderdi aýdan ákimderiniń apparattary aı saıyn júrgizetin bolady. Osy áleýmettik tólemdi alatyn HÁOT úshin qujattardy qaıta usyný talap etilmeıdi.
- 2024 jylǵa qarjylandyrý 315 myń adamǵa bólindi. 26 aqpandaǵy jaǵdaı boıynsha 134,5 myń adam áleýmettik kómekke júgindi. Ótemaqy mólsherin arttyrý aǵymdaǵy jyldyń 1 shildesine deıin qarajatty únemdeý esebinen tólenetin bolady.
- Máslıhattyń tıisti sheshiminiń jobasyn Almaty qalasy máslıhatynyń qaraýyna jáne bekitýine engizý josparlanýda.