Almatyda alǵash ret Erte aralasý ortalyǵy qurylyp, otbasylardy, múgedektigi bar adamdar men áleýmettik osal toptardy qoldaýǵa baǵyttalǵan jańa áleýmettik bastamalar iske qosyldy. Óńirlik komýnıkasıalar qyzmetinde ótken baspasóz máslıhatynda Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov osylaı dedi.
Atalǵan ortalyq qazirgi tańda eki myńǵa jýyq qyzmet túrin kórsetip, halyqaralyq standarttarǵa saı jeke kómek baǵdarlamalaryn engizip otyr.
Basqarma janynda Otbasyny qoldaý ortalyǵy da jumys isteı bastady. Bul ortalyq qıyn jaǵdaıǵa tap bolǵandardy erte anyqtap, jeke damý jospary aıasynda olarǵa qoldaý kórsetedi. Qazir 418 adam osyndaı kómek alǵan.
Múgedektigi bar balalarǵa arnap áleýmettik ıntegrasıa ortalyǵy da ashyldy. Munda art-terapıany, mýzykany, teatr men bı terapıasyn, sondaı-aq foto men vıdeoǵa túsirýdi oqytatyn arnaýly baǵdarlamalar bar. Joba jylyna 240 adamdy qamtyp otyrady.
Qalada sýbsıdıalanatyn jumys oryndarynyń baǵdarlamasy da júzege asyrylyp jatyr. Statısıkaǵa sáıkes, Almatyda 59 329 múgedektigi bar adam tursa, olardyń 28 876-sy eńbekke jaramdy. Qazir resmı túrde 9 638 adam jumys isteıdi (33,4%).
Medısına, áleýmettik qoldaý men jumysqa turý sıaqty baǵyttardy qamtıtyn keshendi sharalar qalanyń áleýmettik turaqtylyǵyn nyǵaıtyp, barlyq turǵyndarǵa teń múmkindik jasaýdy kózdeıdi.
Jalpy alǵanda, jyl saıyn múgedektigi bar adamdarǵa arnalǵan áleýmettik jobalardy iske asyrýǵa 3,1 mlrd teńge kóleminde qarjy bólinedi.