Qalalyq kásipkerlik jáne ınvestısıalar basqarmasynyń málimetinshe, 2023 jyldyń 9 aıynda áleýmettik mańyzy bar azyq-túlik taýarlarynyń baǵasy tómendedi: qaraqumyq jarmasy (41,7%), kúnbaǵys maıy (24,1%), qant (12,1%), kartop (8,9%), pıaz (4,5%), un (2%).
Azyq-túlik qaýipsizdigin qamtamasyz etý maqsatynda qalada «Forvardtyq satyp alý» boıynsha kókónister, jumyrtqa, sıyr eti jáne áleýmettik nan jetkizý týraly kelisimshartqa qol qoıyldy., dep habarlaıdy Almaty-akshamy.kz.
Bıyl 1 qyrkúıekten bastap «Magným» saýda jelisinde osy kóktemde Almaty, Qaraǵandy jáne Pavlodar oblystarynyń fermerlerinen satyp alynǵan 20 myń tonna kókónis satylady. Buǵan qosa, Almaty, Túrkistan, Jambyl, Pavlodar, Qaraǵandy oblystarynyń taýar óndirýshilerimen azyq-túlik taýarlaryn tikeleı jetkizý boıynsha memorandýmdar men kelisimderge qol qoıyldy. Mysaly, Jambyl oblysynyń fermerlerimen 1 myń tonna pıaz jetkizý boıynsha memorandýmǵa qol qoıyldy.
«Azyq-túlik korporasıasy» UK» AQ qorlarynan nan baǵasyn turaqtandyrý úshin qalanyń negizgi un tartý kásiporyndaryna 9,4 myń tonna astyq jetkizý pysyqtaldy.
Qalanyń saýda jelilerinde belgilengen, tómendetilgen baǵamen «Kóksý qant zaýytynda» satyp alynǵan 3 myń tonna qant jáne Qyzylorda oblysynan óndirýshilerden satyp alynǵan 1 myń tonna kúrish satylady.