Almatyda álemniń 18 elinen 80-nen astam úzdik ártister óner kórsetti

Almatyda ALMATY CIRCUS FESTIVAL II Halyqaralyq sırk óneri festıvali aıaqtaldy.

Sırk manejinde Qytaı, Japonıa, Qazaqstan, Argentına, Brazılıa, Portýgalıa, Ispanıa, Italıa, Reseı, Vetnam, Belarýs, Ózbekstan, Ýkraına, Armenıa, Tájikstan, Iakýtıa, Qyrǵyzstan jáne Efıopıa sıaqty álemniń 18 elinen 80-nen astam úzdik ártister óner kórsetti.

Qazaq memlekettik sırkiniń ujymy 54 jyldyǵyn atap ótti. Ótken jyly, araǵa 35 jyl salyp, sırk artıseri Almaty qalasy ákimdiginiń qoldaýymen shetelge gastroldik saparlaryn qaıta bastady. Qytaı men Reseıdiń úzdik sırk mektepterinde biliktiligin arttyryp, oqýdan ótti, elden tys jerlerde bedeldi konkýrstar men festıvaldarda marapattarǵa ıe boldy. Endi ekinshi jyl qatarynan aty ańyzǵa aınalǵan Qazaq memlekettik sırki Halyqaralyq festıval ótkizip otyr.

«Bizdiń sırktiń jarty ǵasyrdan astam tarıhy bar jáne onyń óz festıvali bolýy kerek. Biz artıserimizdiń jetistikterin maqtan tutamyz. Almaty sırki halyqaralyq arenada belsendi jumys isteýde. Qazir ákimdik aıryqsha qoldaý kórsetip keledi, buǵan biz óte qýanyshtymyz. Biz úlken josparlardy júzege asyra otyryp, mádenı týrızmdi damytýǵa óz úlesimizdi qosyp jatyrmyz. Almaty turǵyndary men qonaqtary álemniń úzdik artıseri usynǵan qoıylymdardy óz kózderimen kórýi tıis», – dep atap ótti Qazaq memlekettik sırkiniń dırektory Maqsat Jaıyqov.

ALMATY CIRCUS FESTIVAL aıasynda ekvılıbrıser, akrobattar, áýe gımnasttary, arqanmen júrýshiler men jonglerler ózderiniń kásibıligi men sheberligin kórsetýde. Kórermenderdi tańqaldyryp, umytylmas shoý usyný úshin artıser qaýipti, qyzyqty ári kúrdeli trúkterdi oryndady. Qyzyqty faktilerdiń biri: Qytaıdan kelgen qatysýshy Van Manchen ózimen birge salmaǵy eki tonnaǵa jýyq aýqymdy rekvızıtterdi alyp kelgen. Aıta keteıik, festıválde Marına Starodýbova men Daıana Jetpisova «Jańbyrdaǵy ushý» nómirimen, sondaı-aq Nurym Qulenbaevtyń jetekshiligimen jongler-vırtýozdar Qazaqstan atynan óner kórsetti.

Festıvál 28 shildege deıin jalǵasty, al jeńimpazdar men júldegerler Almatyda qalyp, tamyz aıynyń sońyna deıin megapolıs turǵyndary men qonaqtaryna festıvál baǵdarlamasymen óner kórsetedi. Qazaq memlekettik sırkiniń ári ALMATY CIRCUS FESTIVAL qoıylymdarynyń bas rejıseri Marına Redko artıser naǵyz shoý jasaǵanyn aıtty. Baǵdarlama Qazaqstan úshin sırek kezdesetin janrlarmen qamtylǵan.

«Ótken jyly birinshi festıválde tispen trúk jasaǵan nómirler boldy. Al osy jyly artıser «aıaqpen», ókshemen óte kúrdeli trúktar oryndady. Qazir jazǵy demalys, osy ýaqytta balalar men eresekter álemniń úzdik sırk artıseri usynǵan qoıylymdardy tamashalaǵanyn qalaımyn», – dep atap ótti Marına Redko.

Jarys qorytyndysy boıynsha gran prı «Úshinshi dem» nómirine berildi. Ózbekstandyq darshylar Krıstına Vorobóvanyń jetekshiligimen jeńimpaz atandy. Otandastarymyz da júldesiz qalmady «Jaýynda ushý» nómirimen juptasqan áýe beldikterinde óner kórsetken Marına Starodýbova men Daıana Jetpisova kúmis júlde ıegeri atandy. Bul juptyń jetekshisi jetekshisi Qazaqstan Respýblıkasynyń eńbek sińirgen qaıratkeri Qurmanǵalı Dosbatyrov.