Bul týraly Almaty qalasy ákimi orynbasary A. Qyryqbaev málimdedi, dep habarlaıdy Almaty-akshamy.kz.
Jastardy qoldaýdyń basty maqsaty dep biz jastardyń jumysqa ornalasýyna, oqýyna jáne áleýetin ashýǵa basa nazar aýdara otyryp, jastarmen tolyqqandy qarym-qatynas jasap, keri baılanys arnalary úshin jaǵdaı jasaý dep túsinemiz, bul jastardyń barlyq sanattaryn qamtýǵa, onyń ishinde NEET sanatyndaǵy jastardy NEXT-ke túrlendirýge múmkindik beredi.
Osy maqsatqa qol jetkizý úshin fýnksıonaly keń 16 komúnıtı-ortalyq (ár aýdanda 2-den) qurý josparlanýda: jastar bastamalary men jobalaryn akselerasıalaý, jastardy jumysqa ornalastyrý jáne oqytý, psıhologıalyq jáne zań kómegi, bos ýaqyt jáne daǵdylardy damytý.
Kelesi jyly memlekettik organdardyń, oqý oryndary men jumys berýshilerdiń stýdentterdi bolashaqta jumysqa ornalastyrý máselesinde ózara is-qımylyn qamtamasyz etý úshin qalalyq mansap ortalyǵy ashylady. Sondaı-aq, turǵyn aýdandardaǵy joǵary synyp oqýshylarymen jumys isteý úshin aldaǵy úsh jyl ishinde 150 demalys ortalyǵy jańǵyrtylady.
Jumys berýshilerdi sýbsıdıalaý, turaqty jáne ýaqytsha jumys oryndaryn qurý tetikteri jyl saıyn 10 myń jas adamdy jumysqa ornalastyrý úshin belsendi paıdalanylatyn bolady.
«Jańa kásipter atlasyna» sáıkes, TjKB oqý oryndarynyń baǵdarlamalary transformasıalanady. Akademıalyq emes (qysqa merzimdi) kásiptik oqytý baǵdarlamasy boıynsha 10 myńnan astam jas, ásirese, NEET sanatyndaǵy jastar jyl saıyn ózekti jáne suranysqa ıe mamandyqtarǵa oqıtyn bolady.
Stýdentterdi oqytý, turý, olarǵa qyzmet kórsetý sapasynyń biryńǵaı qalalyq standarty ázirlenedi, bul stýdentterdiń aǵyny men sapasyn keıinge qaldyryp retteýge, JOO men kolejderdiń jaýapkershiligin arttyrýǵa múmkindik beredi.
Qoǵamdastyq ortalyqtary rezıdentteriniń qajettiligin tartý, esepke alý, taldaý jáne baǵalaý úshin 2023 jyly dıskont, jol aqysyn tóleý, mádenı jáne sporttyq is-sharalarǵa qatysý fýnksıasy bar klýbtyq kartochkalyq júıe engiziledi.
Nashaqorlyqtyń aldyn alý jáne oǵan qarsy kúres maqsatynda qalanyń barlyq aýdandarynda jastarmen jumys isteý úshin kásibı kadrlar tartylatyn «NarkoЅTOR» ortalyqtary ashylady.