Almaty ákiminiń ókimimen QR Prezıdenti Ákimshiliginiń jáne qala máslıhatynyń kelisimimen Alataý aýdanynyń ákimi laýazymyna Talǵat Malybaev taǵaıyndaldy.
Talǵat Malybaev 1987 jyly 20 jeltoqsanda Qaraǵandy oblysynda dúnıege kelgen. Qaraǵandy memlekettik tehnıkalyq ýnıversıtetin «kólik» mamandyǵy boıynsha bitirgen.
Eńbek jolyn 2010 jyly Qaraǵandy q. «Agro-Konsaltıng – K» AQ Strategıa jáne búdjettik josparlaý departamentiniń mamany retinde bastady.
Ár jyldary qurylys kompanıalarynda jumys istedi, sondaı-aq Almaty qalasynyń «Almaty jylý jelileri» JSHS-de, Almaty oblysynyń «Jetisý» ÁKK UK AQ-da basshylyq qyzmet atqardy. «Almaty qalasyn damytý ortalyǵy» AQ TKSH qyzmetteriniń sapasyn arttyrýdyń bazalyq baǵytyn iske asyrý tobynyń jetekshisi bolyp jumys istedi.
2023 jyly maýsymnan bastap qazirgi taǵaıyndalǵanǵa deıin Almaty qalasy energetıka jáne sýmen jabdyqtaý basqarmasynyń basshysy qyzmetin atqardy.