Polısıaǵa aryzben 9 adam júgingen
Kúdikti ózin tabysty óner adamy, prodúser, senarıst retinde kórsetken. Ózin Instagram paraqshasyndaǵy 90 myń aýdıtorıaǵa osylaı tanystyrǵan er adamdy polıseıler alaıaqtyq kúdigimen ustady, dep habarlaıdy Almaty-akshamy.kz Zakon.kz-ke silteme jasap.
Polısıa 31 jastaǵy azamat almatylyqtarǵa AQSH-qa vıza alyp berýge ýáde etkenin naqtylaıdy.
Instagram paraqshasyndaǵy 90 myń aýdıtorıaǵa 31 jastaǵy K. esimdi azamat kórkemdik qyzmetimen qatar, AQSH-qa vıza “rásimdeýmen” aınalysatynyn jetkizgen.
Aldyn ala málimetke súıensek, ol áleýetti tutynýshylardan aldyn ala tólem alyp, keıin baılanysqa shyǵýyn toqtatqan.
"Polısıaǵa aryzben 9 adam júgingen. Olar QR QK-niń 190-baby 3-bóligimen tirkelip, bir óndiriske biriktirildi", – dedi Áýezov aýdandyq PB-ǵa qarasty polısıa bólimi bastyǵynyń orynbasary Tımýr Mýlınov.
Polısıa qyzmetkerleri aldanǵan adamdardyń kóbirek bolýy múmkin ekenin joqqa shyǵarmaıdy. Tergeýshiler yqtımal basqa epızodtardy anyqtaýmen aınalysýda. QR Konstıtýsıasynyń talaptaryna jáne QR QPK-niń 201-babyna sáıkes, qylmystyq is boıynsha ózge de málimetter jarıa etýge jatpaıdy.