Almatyda polısıa júrgizýshi kýáligin alýǵa kómektesemin dep azamatqa jalǵan ýáde bergen kúdiktini ustady.
Almaty turǵynynyń aıtýynsha, beıtanys er adam júrgizýshi kýáligin alýǵa kómektesemin degen jeleýmen alaıaqtyq jolmen qarajatty ıemdenip ketken, dep habarlaıdy Almaty-akshamy.kz Polisia.kz-ke silteme jasap.
Kúdikti óz qyzmetin 335 myń teńgege baǵalaǵany belgili boldy.
«Bizdiń bólimsheniń qyzmetkerleri osy qylmysty jasady degen kúdikpen R.esimdi azamatty ustady, ol óz qylmysyn tolyq moıyndady. Alaıaqtyq deregi boıynsha qylmystyq is tergelip jatyr. Kúdiktiler ýaqytsha ustaý ızolátoryna qamaldy. Zardap shekkenderdiń kóp bolýy múmkin ekenin joqqa shyǵarmaımyz. Osyǵan baılanysty basqa da yqtımal epızodtardy anyqtaý jumystaryn júrgizýdemiz», – dedi Alataý aýdandyq polısıa basqarmasynyń bastyǵy Edilhan Baıǵaraev.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.