Kúdikti qazir ýaqytsha ustaý ızolátorynda otyr.
Almatyda jeti alaıaqtyq deregine qatysy bar áıel ustaldy, dep habarlaıdy Almaty-akshamy.kz Polisia.kz-ke silteme jasap.
Qazirgi tańda Naýryzbaı aýdandyq PB-da azamattardy aldaýdyń jeti deregi tirkeldi. Tártip saqshylarynyń aıtýynsha, J.esimdi azamatsha shaǵyn nesıe saıttaryn paıdalanyp, ekinshi deńgeıli bank arqyly kepilsiz nesıe alý boıynsha óz qyzmetin usynǵan.
«Jedel izdestirý is-sharalary barysynda 27 jastaǵy áıel ustaldy. Barlyq aryzdar tirkeldi jáne bir óndiriske biriktirildi. Ol boıynsha sotqa deıingi tergeýdiń biryńǵaı tiziliminde QR QK-niń 190-baby 3-bóliginiń 4-tarmaǵyna sáıkes qylmystyq is qozǵaldy. Bir qyzyǵy, kúdikti óziniń «qyzmetteri» úshin 100-den 200 myń teńgege deıin syıaqy suraǵan. Aqshany alǵannan keıin ol uıaly telefonyn óshirip tastaǵan, al túsken aqshany óz qalaýy boıynsha paıdalanǵan, – dedi Naýryzbaı aýdandyq polısıa basqarmasynyń bastyǵy Dıdar Ahanov.
Jedel qyzmetkerler aldanǵandardyń budan da kóp ekenine senimdi.
«Ustalǵan azamattyń sýretin muqıat qarap shyǵýlaryńyzdy jáne onyń áreketinen zardap shekkenderdiń barlyǵyn myna telefon nómirlerine habarlasýlaryńyzdy suraımyz: 8-707-447-07-50; 8-747-699-70-02», – dedi polısıadan.
