Almatyda akýsherlik jáne neonatologıa salasyndaǵy anestezıologıa boıynsha halyqaralyq konferensıa ótedi

26–27 qyrkúıek kúnderi Almatyda «Akýsherlik jáne neonatologıadaǵy anestezıologıa jáne qarqyndy emniń ózekti máseleleri» atty respýblıkalyq ǵylymı-tájirıbelik konferensıa ótedi.

İs-shara QR Densaýlyq saqtaý mınıstrliginiń qoldaýymen, «Anestezıologtar jáne reanımatologtar federasıasy» respýblıkalyq qoǵamdyq birlestigi, Pedıatrıa jáne balalar hırýrgıasy ǵylymı ortalyǵy jáne «Akýsherlik, gınekologıa jáne perınatologıa ǵylymı ortalyǵy» AQ uıymdastyrýymen ótedi, - dep habarlaıdy Aqshamnews.kz.

Konferensıa jumysyna Qazaqstanmen qatar Túrkıa, Reseı, Ózbekstan, Tájikstan, Qyrǵyzstan jáne Belarýs elderinen kelgen mamandar qatysady. Qatysýshylar qatarynda akýsher-gınekologtar, neonatologtar, anestezıolog-reanımatologtar, meıirbıkeler men medısınalyq joǵary oqý oryndarynyń ǵalymdary bar.

Konferensıanyń basty taqyryptary:

İs-shara aıasynda kelesi máseleler talqylanady:

• Júkti áıelderge kórsetiletin anestezıologıalyq kómek pen qarqyndy emniń uıymdastyrylýy;
• Perzenthanalardaǵy anestezıolog-reanımatolog dárigerleriniń qyzmetindegi ózekti máseleler;
• Qazaqstandaǵy ana men náreste ólimin tómendetý joldary;
• Perınataldyq ortalyqtardaǵy kadr tapshylyǵy, ásirese orta medısınalyq qyzmetkerlerdiń jetispeýshiligi;
• Anestezıologıalyq kómekti jetildirý standarttary men zamanaýı ádisterdi engizý.

Seksıalyq otyrystar men sımpozıýmdar taqyryptary:

1. Júktilik kezinde asqynýlar jaǵdaıyndaǵy anestezıa men qarqyndy em
2. Aýyr akýsherlik jaǵdaılarda anestezıologıalyq qoldaý
3. Bosaný kezindegi jansyzdandyrý ádisterin tańdaý
4. Júkti áıelderde tynys alý joldaryn qamtamasyz etýdegi qıyndyqtar
5. Perzenthanalardaǵy kadrlyq júkteme men tapshylyq
6. Anestezıologıalyq kómekti uıymdastyrý standarttaryn jetildirý
7. Akýsherlik jáne neonatologıada zamanaýı ádisterdi engizý
8. Akýsherlik anestezıologıa men qarqyndy em salasyndaǵy sońǵy jańartýlar
9. Orta medısınalyq qyzmetkerleriniń kásibı róli
10. Neonatologıadaǵy anestezıologıa men qarqyndy emniń damýy

Sheberlik sabaqtar men format:

Konferensıa sheńberinde 25 qyrkúıek kúni Akýsherlik, gınekologıa jáne perınatologıa ǵylymı ortalyǵynda úsh sheberlik sabaǵy uıymdastyrylady.

İs-shara formaty – gıbrıdti (oflaın jáne onlaın qatysý).
Qatysýshylar sany: shamamen 1 000 adam, onyń ishinde 300 delegat.

Ótetin kúnderi: 26–27 qyrkúıek, 2025 jyl
Bastalýy: saǵat 09:00
Ótetin orny: Almaty qalasy, «Qazaqstan» qonaq úıi, Dostyq dańǵyly, 52/2