Qazir onyń jobalyq-smetalyq qujattamasy ázirlenýde
Bul týraly qalalyq mobıldilik basqarmasy málim etti, dep habarlaıdy Almaty-akshamy.kz QazAqparatqa silteme jasap.
A. Jubanov kóshesi B.Momyshuly dańǵylynan qala shekarasyna deıin bes shaqyrymǵa uzartylatyn bolady.
«Qazirgi ýaqytta A. Jubanov kóshesin B.Momyshuly kóshesinen qala shekarasyna deıin uzartý úshin jobalaý-smetalyq qujattamasyn ázirleý jumystary bastaldy. Jobaǵa jaıaý júrginshiler, velosıped jáne tórt jolaqty jol kiredi. Satyp alatyn jer telimderiniń sany joba daıyn bolǵanan keıin belgili bolady», - dep habarlady qalalyq mobıldilik basqarmasy.
Basqarma basshysy Ǵanı Murzahanovtyń aıtýynsha, jobalyq-smetalyq qujattama kelesi jyldyń shilde aıynda aıaqtalady. Buǵan deıin N.Tilendıev kóshesi men Soltústik aınalma joly soltústik baǵytta Úlken Almaty aınalma avtomobıl jolyna deıin uzartylatyny týraly jazǵan bolatynbyz.
Jalpy 2030 jylǵa deıin Almatyda 38 kóshe uzaratylady. Sarapshylar jańa kóshelerdi eki kezeńde salýdy usynyp otyr. Kóshelerdiń bir bóligi - 2025 jylǵa deıin, al ekinshisi - 2030 jylǵa deıin.