1 shildeden bastap AHAT bólimderiniń fýnksıalary "Azamattarǵa arnalǵan úkimet " Memlekettik korporasıasy" KEAQ-ǵa beriledi. Jańashyldyq AHAT bólimderin jabýdy kózdemeıdi, olar tıisti quzyretimen HQKO-larda ornalasatyn bolady. Bul týraly Óńirlik komýnıkasıalar qyzmetiniń alańynda Almaty qalasy Ádilet departamentiniń ókilderi aıtty, dep habarlaıdy Amaty-akshamy.kz.
HQKO-larda azamattyq hal aktilerin tirkeýge baılanysty memlekettik qyzmetterdiń barlyq túrleri kórsetiletin bolady.
"Osylaısha, azamattardyń barlyq memlekettik qyzmetterdi bir jerden "bir tereze" qaǵıdaty boıynsha alý maqsatynda barlyq halyqqa qyzmet kórsetý ortalyqtary biryńǵaı júıege biriktirilgen", - dedi Almaty qalasy Ádilet departamentiniń Tirkeý qyzmeti salasyndaǵy baqylaý bólimi basshysynyń m.a. Janar Beısenova.
Kórsetiletin memlekettik qyzmetterge myna fýnksıalar jatady:
- týýdy, neke qıý jáne buzýdy, ólimdi memlekettik tirkeý;
- akt jazbalaryna ózgerister, tolyqtyrýlar, túzetýler engizý, onyń ishinde atyn, ákesiniń atyn, tegin ózgertý, ákelikti (anasy ekenin) anyqtaý, bala asyrap alý;
- azamattyq hal aktileriniń jazbalaryn qalpyna keltirý jáne joıý;
- bastapqy jáne qaıtalama kýálikterdi, anyqtamalardy elektrondyq nusqada nemese qaǵaz túrinde berý.
Sonymen qatar, atap ótilgendeı, azamattyq hal aktilerin memlekettik tirkeý qyzmetterine aqy tóleý boıynsha ózgerister engizildi. Azamattyq hal aktilerin tirkegeni úshin tólemaqy mólsherin Memlekettik qyzmetter kórsetý salasyndaǵy ýákiletti organ aıqyndaıtyn bolady.
Sondaı-aq, azamattardyń keıbir sanattary azamattyq hal aktilerin tirkeý qyzmetteri úshin tólemaqydan bosatyldy.
Sonymen qatar, Departament jeke ómir, jeke jáne otbasylyq qupıa zańmen qorǵalatynyn atap ótti. Sondaı-aq azamattardyń jeke jáne otbasylyq ómiri týraly málimetterdi jarıa etkeni úshin jaýapkershilik bar ekenin eske saldy.
"Tirkeýshi organdardyń qyzmetkerleri asyrap alýshynyń kelisiminsiz asyrap alý týraly qandaı da bir málimetterdi habarlaýǵa jáne asyrap alýshylardyń asyrap alynǵan balanyń ata-anasy bolyp tabylmaıtyndyǵy týraly aqparatty qamtıtyn qujattardy berýge quqy joq. Bul óte sezimtal másele qatań baqylaýda", - dep qorytyndylady Almaty qalasy Ádilet departamentiniń Tirkeý qyzmeti salasyndaǵy baqylaý bóliminiń jetekshi mamany Sara Mýrzıeva.