Almatyda kóshi-qon qyzmeti júrgizgen maqsatty is-shara nátıjesinde Afrıka elderinen kelgen 28 azamat anyqtaldy. Kelimsekter qalanyń ártúrli nysandarynan tabyldy.
– Jeke basyn kýálandyratyn qujattary joq 16 sheteldik azamat PD-nyń qabyldap-taratý ornyna ornalastyryldy, Afrıka elderinen kelgen taǵy 8 azamatty Qazaqstannan májbúrlep shyǵarý máselesi sheshilip jatyr. Sonymen qatar Qazaqstan Respýblıkasynyń halyqtyń kóshi-qony salasyndaǵy zańnamasyn basqa da buzýshylyqtardy anyqtaý boıynsha is-sharalar júrgizilip jatyr, – dedi Almaty qalalyq PD kóshi-qon qyzmeti basqarmasynyń bastyǵy Asqat Býtýnchınov.