Jastardyń tańdaýy - jemqorlyqsyz memleket.
Óńirlik komýnıkasıalar qyzmetiniń alańynda QR Sybaılas jemqorlyqqa qarsy is-qımyl agenttiginiń qoldaýymen «Ádildik joly» respýblıkalyq qoǵamdyq birlestiginiń aksıasyna arnalǵan brıfıń ótti, dep habarlaıdy Almaty-akshamy.kz.
Almaty qalalyq fılıalynyń dırektory, Almaty qalasy Qoǵamdyq keńesiniń Sybaılas jemqorlyqqa qarsy is-qımyl komıtetiniń múshesi Baýyrjan Maqulbaev jarıalanǵan aksıanyń jastardy sybaılas jemqorlyqqa qarsy saıasatty júzege asyrý úshin tartýǵa baǵyttalǵanyn aıtty. Bul ıdeıany belgili kásibı boksshy, Olımpıada oıyndarynyń qol júldegeri Qanat Islam qoldady.
Spıker sybaılas jemqorlyqpen kúrestiń mańyzdylyǵy onyń jan-jaqty bolýy qajettiginde dep esepteıdi. Tek memlekettiń ǵana emes, búkil azamattyq qoǵamnyń birikken kúsh-jigeri qajet.
Sondyqtan da osyǵan deıin aksıa aıasynda «Ádildik joly» men Ǵylym jáne joǵary bilim mınıstrligi arasynda stýdent jastardy naýqanǵa tartýǵa jáne ýnıversıtetter qyzmetindegi sybaılas jemqorlyq táýekelderin azaıtýǵa múmkindik beretin yntymaqtastyq týraly memorandýmǵa qol qoıylǵan bolatyn.
Baýyrjan Maqulbaevtyń aıtýynsha, sybaılas jemqorlyqqa qarsy áreket etýge qatysty suraqtar boıynsha tegin keńes alýǵa bolatyn arnaıy 1463 koll ortalyq qosylǵanyn aıtty. Sonymen qatar, áleýmettik jelide jastardan habarlamalardy qabyldap, ózekti jańalyqtardy jetkizetin paraqshalar ashyldy.
Aksıamen birge sybaılas jemqorlyqqa qarsy ıdeıalar men jobalardyń úzdikterin anyqtaýǵa arnalǵan baıqaýdyń da bastalatyny jarıalandy, onda árbir adam jemqorlyqqa qarsy óz kózqarasyn usyna alady.
Ótinimder info@adildik.kz elektrondy mekenjaıy boıynsha 2023 jyldyń 15 qańtaryna deıin qabyldanady. Odan keıin baıqaý komısıasy elimizdiń ár óńirindegi úzdik jumystardy tańdap, baǵaly syılyqtarmen marapattaıdy. Sonymen qatar, keıbir ıdeıalar eksperımenttik pılottyq jobalar retinde júzege asyrylady.
«Qazaqstannyń jalpy jastaryn atalǵan aksıaǵa belsendi qatysýǵa shaqyramyz. Ádiletti Qazaqstandy qalyptastyrý árbir azamatqa baılanysty jáne birinshi kezekte, jastarǵa baılanysty. Almatydaǵy «Ádildik Joly» RQB fılıalynyń baılanys telefony 8 701 222 65 55», - dep habarlady B.Maqulbaev.
Brıfıń jumysyna sonymen birge, kásibı boksshy Qanat Islam qatysty, ol sybaılas jemqorlyqqa qarsy mádenıet týraly ıdeıany qoldady.
«Men osy aksıaǵa qatysatynym úshin óte qýanyshtymyn. Qazaqstan azamaty, bir jaǵynan ata-ana retinde biz árqashan ádilettilikti talap etemiz. Qazir balalarymyz ósip keledi, bárimiz ata-ana retinde Jańa Qazaqstanda, jemqorlyqsyz memlekette jaqsy ómir súrgimiz keledi», - dedi Q.Islam.