Shtabqa Qazaqstandaǵy jáne sheteldegi tanymal zańgerler kirdi.
Almaty qalasyndaǵy Qazaqstan Respýblıkasy Prezıdentiniń saılaýynan habar taratý jónindegi baspasóz ortalyǵynyń alańynda «Qazaqstan zańgerler odaǵy» Almaty qalalyq fılıalynyń tóraǵasy Baýyrjan Maqulbaevtyń qatysýymen baspasóz máslıhaty ótti, dep habarlaıdy Almaty-akshamy.kz
Ol sonymen qatar «Ádil saılaý úshin» qalalyq shtabyn da basqarady. Spıker 19 qarasha únsizdik kúni bolatynyn, ol kezde úgit-nasıhat jumystaryna qatysty kez kelgen áreketterge tyıym salynatynyn eske saldy. Zańdy buzǵan jaǵdaıda zańdy jaýapkershilik qarastyrylǵan.
Eske salaıyq, qozǵalystyń negizgi mindeti – zań qoǵamdastyǵynyń saılaý naýqany barysyna quqyqtyq baqylaý jasaý jáne saılaý prosesine qatysýshylarǵa saılaý zańnamasyn qoldaný tártibin túsindirý. Shtabqa Qazaqstandaǵy jáne sheteldegi tanymal zańgerler kirdi.
«Ádil saılaý úshin» qozǵalysy bastalǵan 27 qyrkúıekten bastap Qazaqstannyń barlyq qalalarynda Prezıdent saılaýyn quqyqtyq qamtamasyz etetin fılıaldar ashyldy. Qozǵalys músheleri barlyq BAQ-yn qamtydy, áleýmettik jelilerde belsendilik tanytyp, qazaqstandyqtardyń suraqtaryna jaýap berdi. Túsindirý jumystaryn júrgizip, saılaý zańnamasyn túsindirip, eńbek ujymdarymen kezdesýler ótkizip jatyr», - dedi B.Maqulbaev.
Zańgerler saılaýǵa alǵash ret qatysqaly otyrǵan stýdent jastarǵa erekshe kóńil bóldi.
ÓKQ spıkeri «Qazaqstan Respýblıkasyndaǵy saılaý týraly» zańǵa sáıkes saılaý kúni jáne onyń aldyndaǵy kúni kez kelgen saılaýaldy úgit-nasıhat júrgizýge tyıym salynatynyn aıtyp, tolyqtyrdy.
«Men prezıdenttikke úmitkerlerdi, olardyń senimdi ókilderin, shtab múshelerin kez kelgen úgit-nasıhat jumystarynan bas tartýǵa shaqyrǵym keldi», - dep eske aldy «Ádil saılaý úshin» qalalyq shtabynyń basshysy.