Kórmege qoıylǵan jumystar belgili bir taqyryp aıasynda shektelmegen
2022 jylǵy 19 mamyrda Á.Qasteev atyndaǵy MÓM-nyń Ortalyq Kórme zalynda «Ádemi álem - ádemi kózdermen» atty kórmesiniń ashylý rásimi ótedi, dep habarlaıdy Almaty-akshamy.kz.
Kishkentaı búldirshinderdiń (eń kishisi 4 jasta) shynaıy, kirshiksiz qıaldarynan týǵan jarqyn boıaýlarǵa toly tyrnaqaldy týyndylary, oı-áserlerleri kórermender júregin tez baýrap alary sózsiz.
Jas mólsheriniń kishtaılyǵyna qaramastan, stýdıa tárbıelenýshileri ártúrli beıneleý óneri tehnıkalary boıynsha: sý boıaýy, grafıka, jibekke sýret salý, sazbalshyqpen jumys, gobelen, kvıllıng jáne t.b. sıaqty kóptegen jumystardy jasaýdy úırendi.
Kórmege qoıylǵan jumystar belgili bir taqyryp aıasynda shektelmegen. Qatysýshylardyń kópshiligi úshin, bul kásibı kórme keńistigindegi óz jumystaryn kópshilikke usynýdaǵy alǵashqy jáne óte baǵaly tájrıbe bolmaq.
Kórme «Sınáá cherepaha» beıneleý jáne sándik qoldanbaly óner stýdıasynyń 20 jyldyǵyna arnalady, osy jyldar aralyǵynda stýdıany támamdaǵan túlekterdiń birshamasy búginde óner jolyna tolyǵymen bet burǵan. Olardyń keıbiri: London Óner ýnıversıteti, London Sán koleji, Glostershır ýnıversıteti, I.Kant atyndaǵy Baltyq federaldi ýnıversıteti, Vena qoldanbaly óner ýnıversıteti, Ońtústik Kalıfornıa Arhıtektýralyq ýnıversıteti, Máskeý Arhıtektýra akademıasy, Sank-Peterbýrg Memlekettik arhıtektýra-qurylys ýnıversıteti, jáne t.b. syndy álemniń iri JOO-da bilimderin ary qaraı jalǵastyrǵan.
2002 jyldan bastap Almatyda «Sınáá cherepaha» stýdıasynyń kórmeleri (Ortalyq Kórme zalynda, «Ular» Qazaqstan sýretshiler odaǵynyń galereıasynda, Almaty qalasy mýzeıinde) jyl saıyn kórermender nazaryna jol alady. Sondaı-aq, jas sýretshiler qaıyrymdylyq kórmelerine de belsene at salysyp otyrady.
«Sınáá cherepaha» stýdıasynyń túlekteri halyqaralyq baıqaýlarǵa qatysyp jeńimpaz atanǵan jáne álem boıynsha kórmelerge qatysyp óz jumystaryn kópshilikke tanytýda. «Sınáá cherepaha» stýdıasynyń 17 jasar túlegi Laal Avgambaeva «TMD-nyń eń jas dızaıneri» bolyp resmı túrde moıyndalyp, 18 jasynda Tokıo, Nú-Iork, Vankýver, London jáne Parıjdegi sán aptalyǵyna resmı shaqyrtý aldy.
Kórme kórermen nazaryna 19 mamyrdan bastap jol tartyp, 2 maýsymǵa deıin jalǵasatyn bolady.