Bul týraly qala ákimi Erbolat Dosaev máslıhat sesıasy barysynda habarlady, onda 2025-2027 jyldarǵa arnalǵan megapolıs búdjeti qaraldy, dep habarlaıdy aqshamnews.kz
«Abattandyrýdyń jańa sapasyna qoljetkizý jáne jasyl qordy keńeıtý úshin osy mańyzdy basymdyqtardy qarjylandyrý 2025 jyly 40% - ǵa nemese 50 mlrd.teńgege, ıaǵnı 170,5 mlrd. teńgege deıin ulǵaıady», - dedi Almaty ákimi Erbolat Dosaev.
Yńǵaıly qalalyq ortany qamtamasyz etý úshin abattandyrýdyń jańa Erejeleri qabyldandy, aýlalardy keshendi kútip ustaýǵa úsh jyldyq sharttar engizildi, sondaı-aq magıstraldyq kósheler boıyndaǵy úılerdiń qasbetterin jóndeý tásilderi qaıta qaraldy.
2024 jyldyń qańtarynan bastap alǵash ret aýlalardy kútip ustaýǵa úsh jyldyq sharttar jasaldy. Olar sanıtarlyq tazalaýdy, abattandyrý elementterin jóndeýdi jáne jasyl aımaqtardy kútýdi qamtıdy. Bul tásil merdigerlerdiń jaýapkershiliginiń kemshin jaǵyn joıady jáne jumys tıimdiligin arttyrady. 2023-2024 jyldary «Almaty tazalyq» parki úshin 141 birlik tehnıka satyp alyndy, 2025 jyly taǵy 32 birlik tehnıka satyp alý josparlanýda. «Almaty tazalyq» jumysy 2025 jyly magıstraldyq kóshelerdi tazalaýǵa baǵyttalatyn bolady.
Almatyda qalalyq ınfraqurylymdy damytý úshin keshendi jumystar aıasynda qala ákimi Erbolat Dosaevtyń tapsyrmasy boıynsha kógaldandyrýdyń jańa tásilderi belsendi túrde engizilýde. 2023-2024 jyldary 643 myńnan astam jasyl jelek otyrǵyzyldy, al 2030 jylǵa deıin bekitilgen Jol kartasyna sáıkes 2,5 mln aǵash pen buta otyrǵyzý josparlanýda.
Jasyl qordyń jaǵdaıyn jaqsartýdyń negizgi baǵyttarynyń biri tamshylatyp sýarý jáne avtosýarý júıelerin engizý boldy. 2023 jyly 500 myń aǵash (200 km tamshylatyp sýarý) qamtyldy, 2024 jyly 220 myń aǵashqa taǵy 110 km qosyldy. 2025 jyly 120 km tamshylatyp sýarý jáne 168 km avto sýarý ornatý josparlanýda, bul 240 myń aǵashqa kútim jasaýdy qamtamasyz etedi.
2025 jyldan bastap iri kólemdi kóshetterdi jappaı otyrǵyzýdy bastaý josparlanýda: bıiktigi 4 metrden asatyn 23 myń aǵash jáne bıiktigi 6 metrden asatyn 4 myń aǵash.
Sonymen qatar, qalada kógaldar men gúlzarlardy (birinshi deńgeı), butalar men sándik ósimdikterdi (ekinshi deńgeı), sondaı-aq iri aǵashtardy (úshinshi deńgeı) qamtıtyn úsh deńgeıli kógaldandyrý qoldanylady. Bul jasyl jelekti edáýir ulǵaıtýǵa jáne qala turǵyndary úshin jaıly jaǵdaı jasaýǵa múmkindik beredi.