Abaı kúnin merekeleý saǵat 10.00-de Abaı alańyndaǵy aqyn eskertkishine gúl shoqtaryn qoıýdan bastalady. Osydan soń saǵat 11.00-de «Alataý» dástúrli óner teatrynyń ártisteri metroǵa túsip, uly aqynnyń shyǵarmalaryn mýzykalyq aspaptardyń súıemeldeýimen oryndaıdy.
Osylarmen qatar, saǵat 11.00-de Almaty mýzeıinde ýaqytsha ekspozısıa bastalady – Abaıdyń «Jıdebaı-Bórili» memlekettik tarıhı-mádenı jáne ádebı-memorıaldyq mýzeı-qoryǵy qorynan eksponattar qoıylady.
Saǵat 17.00-de «Alataý» dástúrli óner teatrynda «Kún artynan kún týar» teatrlandyrylǵan konsert ótedi: hor men orkestrlik top «Kózimniń qarasy», «Aıttym sálem, Qalamqas», «Tatánanyń áni», «Qarańǵy túnde taý qalǵyp» jáne basqa da kóptegen ánderdi oryndaıdy.
Sahnalyq kórinis aıasynda aqynnyń týǵan jerine barǵan saparlardan beınematerıaldar jáne mýzeılerden muraǵattyq materıaldar kórsetiletin bolady.