Almatyda Abaı dańǵylynyń qala shekarasyna deıingi uzarǵan bóligindegi jol boıynda jumys aıaqtaldy, dep habarlaıdy aqshamnews.kz
Almatyda turǵyndardyń qala ishindegi qozǵalysyn arttyrý jáne Almaty aglomerasıasyn damytý maqsatynda radıaldy joldar uzartylyp jatyr. Búgin Abaı dańǵylynyń qala shekarasyna deıingi uzarǵan bóliginde qozǵalys ashyldy.
Qalalyq mobıldilik basqarmasy Stroıtelnaıa kóshesinen qala shekarasyna deıingi sońǵy 600 metrlik joldyń boıyndaǵy jumysty aıaqtady. Qazirgi ýaqytta joldyń eki jaǵynda jaıaý júrginshiler joly, velojoldar, qosymsha joldar jáne irgeles aýmaqty kórkeıtý jumystary qolǵa alynǵan.
Esterińizge sala keteıik, Abaı dańǵylynyń B.Momyshuly kóshesinen bastalatyn uzarǵan bóliginiń jalpy uzyndyǵy 5,3 shaqyrym. Bul baǵytta alty jolaqty jol, Qarǵaly ózenindegi kópir, Áshimov kóshesimen qıylysatyn jolaıyryq, 6 jerústi jaıaý júrginshiler ótkeli jáne 4 baǵdarsham nysany salyndy.
Aıta keteıik, qazirgi tańda qalalyq mobıldilik basqarmasy Móńke bı kóshesin uzarý jumysyn aıaqtap, Rysqulov dańǵyly, Saın kóshesi, Soltústik aınalma joly jáne Tilendıev kóshesin uzartý jumystary jalǵasyp jatyr.