Almatyda jylýmen jabdyqtaý jelilerin jóndeý jumystaryna baılanysty Abaı dańǵylynyń ýchaskesi bir túnge jabylady
Aldaǵy jylytý maýsymyna daıyndyq aıasynda Abaı dańǵylynyń Áýezov aýdanyndaǵy bóliginde jylý jelilerinde ilmekti-retteý armatýrasyn aýystyrý jumystary júrgiziledi, dep habarlaıdy aqshamnews.kz.
Jóndeý jumystarynyń qaýipsizdigi maqsatynda 13 maýsym saǵat 23:00-den –14 maýsymnyń saǵat 08:00-ge deıin Abaı dańǵylynyń boıyndaǵy №26 úıden bastap Saın kóshesine deıin batys baǵyttaǵy avtokólik qozǵalysy shekteledi.
Jóndeý jumystary kezinde kólik qozǵalys avtobýs jolaǵymen júzege asyrylady.
Shyǵys baǵytyna qaraı qozǵalysǵa shekteý qoıylmaıdy.
Qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram-arnasynda, aýdandyq ákimdikter men basqarmalardyń áleýmettik jelilerinde, sondaı-aq «2GIS» jáne «Iandeks kartalar» servısterinde ornalastyrylǵanyn eske salamyz.
«Almaty jylý júıesi» JSHS eaqytsha qolaısyzdyqtarǵa túsinistikpen qaraýdy suraıdy.