2025-2026 jyldary Almatyda 49,2 km uzyndyǵy 11 kóshe keshendi túrde kórkeıtiledi. Almaty el boıynsha jaıly ýrban orta qurýdyń halyqaralyq standartyn engizip jatqan alǵashqy qala. Bul týraly Ortalyq komýnıkasıalar qyzmetinde ótken brıfıńte Almaty qalasynyń ákimi Erbolat Dosaev málimdedi, dep habarlaıdy aqshamnews.kz
«Álemniń iri megapolısteriniń ozyq tájirıbesi kóshelerdi «qasbetten qasbetke deıin» keshendi kóriktendirý tásili jaıly jáne zamanaýı qala ortasyn qurýdyń eń ońtaıly sheshimi ekenin kórsetedi. Biz Almatyda osy halyqaralyq standartty engizýdemiz, bul tásildi qoldanatyn Qazaqstandaǵy alǵashqy qala boldyq», – dedi Erbolat Dosaev.
Ákimniń aıtýynsha, búgingi kúni Dostyq dańǵyly (ál-Farabı dańǵylynan Abaıa dańǵylyna deıin) jáne Pýshkın kóshesi (Gogol kóshesinen Raıymbek dańǵylyna deıin) jobalarynyń JSQ ázirleý jumystary aıaqtaldy. Qurylys jumystary 2025 jyldyń naýryz aıynda bastalady (3,7 mlrd teńge).
2025 jyldyń aqpan aıynda Radostoves jáne Makataev kósheleriniń jobalaý jumystary aıaqtalyp, qurylys-montajdaý jumystary 2025 jyldyń mamyr aıynda bastalady.
2025 jyly Jeltoqsan kóshesinde (Baıtursynov kóshesinen Raıymbek dańǵylyna deıin) uzyndyǵy 4,6 km jáne Raıymbek dańǵylynda (Pýshkın kóshesinen Altyn Ordaǵa deıin) uzyndyǵy 17,2 km bolatyn eki jańa BRT jelisi salynyp, kósheler «qasbetten qasbetke deıin» qaǵıdaty boıynsha keshendi kóriktendiriledi.
«Almatybasjospar» JSHS-niń málimetinshe, jobalyq jumystar aıasynda qalalyq ınfraqurylymdy keshendi jańartý kózdelgen. Kósheler zamanaýı jaıaý júrginshiler joldarymen jabdyqtalady, olar qala turǵyndarynyń qaýipsiz jáne yńǵaıly qozǵalysyn qamtamasyz etedi. Trotýarlarda yńǵaıly oryndyqtar, besedkalar, qoqys jáshikteri jáne jańa jaryqtandyrý tirekteri ornatylady.
Barlyq jumys turǵyndar men qala qonaqtary úshin jaılylyqty, ekologıalyq tazalyqty jáne qalalyq ortanyń tartymdylyǵyn qamtamasyz etetin zamanaýı kóriktendirý standarttary eskerile otyryp jasalady.