Almatydaǵy taǵy bir baǵytta jańa avtobýstar jolǵa shyqty, dep habarlaıdy Almaty-akshamy.kz
Almatyda búginnen bastap №92 marshrýttaǵy jyljymaly quram tolyǵymen jańartyldy.
«Mamyr-1 – Álmerek» shaǵyn aýdanyna qatynaıtyn marshrýtqa josparly túrde 22 birlik avtobýs shyǵady. Alaıda qoǵamdyq kólikter kóbinese tehnıkalyq sebepterge baılanysty jeliden shyǵyp, qozǵalys jıiligi alshaqtap ketedi.
Osyǵan oraı, Qalalyq mobıldilik basqarmasy avtobýs sanyn 25 birlikke deıin arttyryp, jyljymaly quramdy jańartý týraly sheshim qabyldady. Bul júıelilikti qamtamasyz etip, josparlanǵan jıilikti 10 mınýttan 8 mınýtqa deıin qysqartady.
Golden Dragon markaly gazben júretin on eki metrlik jańa tómen edendi avtobýstar zamanaýı qurylǵylarmen, sonyń ishinde kondısıonermen, beınebaqylaý júıesimen jáne t.b. jabdyqtalǵan. Avtobýstyń jalpy syıymdylyǵy 113 adam, onyń 28-i otyratyn oryn.
Bul rette, eski avtobýstar parktiń rezervtik quramyna engiziledi.
Aıta ketý kerek, byltyrǵy jyldyń qorytyndysy boıynsha Almatyda 22 jańa baǵyt jáne 50-ge jýyq eldi mekendi qamtıtyn 10 qala mańyna qatynaıtyn baǵyt uıymdastyryldy. Ári 364 birlik avtobýs esebinen 24 marshrýtta jyljymaly quram jańartyldy.