Almatyda “Jasóspirim jáne zań” jedel-profılaktıkalyq is-sharasy aıasynda balalarynyń túngi ýaqytta syrtta júrgeni úshin 89 ata-ana ákimshilik jaýapkershilikke tartyldy, dep habarlaıdy aqshamnews.kz
Almaty qalalyq PD ıývenaldy polısıa bóliminiń bastyǵy Janna Shonjanovanyń aıtýynsha, is-sharanyń alǵashqy eki kúninde 128 jasóspirim polısıa bólimine jetkizildi, olardyń 89-y túngi ýaqytta zańdy ókilderinsiz kóshede júrgen. Sondaı-aq, qaraýsyz qalǵan 14 bala kámeletke tolmaǵandardy beıimdeý ortalyǵyna ornalastyryldy.
Budan bólek:
- 14 jasóspirim quqyq buzýshy,
- 16 turmysy nashar otbasy anyqtalyp, ishki ister organdarynyń esebine alyndy.
Quqyq buzýshylyqtyń aldyn alý maqsatynda qalanyń bilim berý uıymdarynda 98 dáris pen semınar ótkizildi. Almaty polısıasy "múldem tózbeýshilik" qaǵıdaty negizinde jasóspirimder arasyndaǵy quqyq buzýshylyqtardy qatań baqylaýǵa alǵanyn málimdedi.