Almatyda 85 jastaǵy Nurıhan apa UBT tapsyryp kórýdi uıǵarǵan, - dep habarlaıdy Aqshamnews.kz tilshisi.
"Ǵumyryn bala tárbıesine arnaǵan ana, jastyq shaǵynda qol jetpegen armany joǵary bilimge endi tapsyryp jatyr. Bıyl Nurıhan apa kópten bergi armanyn oryndap, ýnıversıtetke túsý úshin UBT tapsyryp kórýdi uıǵarǵan. Jaqyndarynyń qoldaýymen UBT-ǵa tirkelip, kópten kútken sátine jetti", - delingen habarlamada.
Testileý kúni balalary demeýshi bolyp janynan tabyldy. Emtıhan bastalar aldynda Nurıhan apa talapkerlerge aq batasyn berip, "Oqý men bilimge umtylý eshqashan kesh emes" ekenin júrekjardy tilegimen jetkizdi.
Bul joly kompútermen jumys isteý daǵdysynyń joǵy test tapsyrýǵa kedergi boldy. Degenmen Nurıhan apa kompúterdi úırenip, kelesi jyly qaıta kelýge nıetti ekenin aıtty.