Bul – «Qarý» respýblıkalyq jedel aldyn alý is-sharasynyń nátıjesi.
Onyń maqsaty - tıisti qoǵamdyq tártipti saqtaý, atys qarýyn qoldanýmen jasalǵan qylmystardyń aldyn alý jáne jolyn kesý, dep habarlaıdy Almaty-akshamy.kz.
«Tekserýmen barlyǵy 35118 jeke azamattyq qarý ıeleri men 295 zańdy tulǵa, onyń ishinde 16 arnaıy dúken qamtyldy. Nátıjesinde azamattyq jáne qyzmettik qarýdy saqtaý, esepke alý jáne qaıta tirkeý sharttaryn buzýdyń 976 deregi anyqtalyp, nátıjesinde 971 jeke menshik ıesi jáne 5 zańdy tulǵa ákimshilik jaýapkershilikke tartyldy. Anyqtalǵan zań buzýshylyqtar joıylǵansha olardan 605 birlik tirkelgen qarý tárkilendi», – dedi Almaty qalalyq ákimshilik polısıa basqarmasynyń bastyǵy Asqat Qulbaev.
Sonymen qatar Asqat Qulbaevtyń aıtýynsha, is-shara barysynda zańsyz aınalymnan 81 birlik tirkelmegen qarý, eki birlik jarylǵysh qurylǵy, bir myńnan astam oq-dári, alty birlik salqyn qarý, 11 granata jáne 276 elektroshoker tárkilendi.
«QR QK-niń 287-baby boıynsha tirkelmegen vıntovkalyq, tegis uńǵyly, gaz-travmatıkalyq, gazdy, pnevmatıkalyq jáne elektrlik qarýdy zańsyz saqtaǵany úshin barlyǵy 45 qylmystyq is jáne QR ÁQBtK-niń 482-baby boıynsha alty ákimshilik is qozǵaldy», – dedi Qulbaev.