Sot sheshimi áli kúshine engen joq.
Almaty qalasynyń prokýratýrasynyń aqparatynsha, quny 7 mıllıard teńge turatyn jer telimderi memleketke qaıtaryldy, dep habarlaıdy Almaty-akshamy.kz
Almaty qalasynyń prokýratýrasy zerdeleý barysynda zańsyz alynǵan jer ýchaskesin anyqtaǵan.
"2014 jyly Almaty shekarasyn keńeıtý nátıjesinde Almaty oblysynyń jer ýchaskeleriniń bir bóligi qala quramyna endi. Mysaly, Almaty oblysy Qarasaı aýdanyndaǵy 30,9 ga jer ýchaskesi "Halyqaralyq klýbtar qaýymdastyǵy" JSHS qosalqy sharýashylyǵyn júrgizý úshin alǵan. Alaıda JSHS jer ýchaskesiniń kadastrlyq qunyn tóleý boıynsha óz mindettemelerin oryndamady", - delingen habarlamada.
Prokýratýranyń talap-aryzy boıynsha Almaty qalasynyń Mamandandyrylǵan aýdanaralyq ekonomıkalyq sotynyń sheshimi boıynsha, jer ýchaskesi memleketke qaıtaryldy.