Sanıtarıalyq avtokólikti odan ári jańartý maqsatynda bıyl taǵy 48 jedel medısınalyq járdem avtokóligin satyp alý josparlanýda.
Halyqqa shuǵyl jáne jedel kómek kórsetýge arnalǵan sanıtarıalyq avtokólik jergilikti búdjet qarajatynan satyp alyndy, V klasyna sáıkes keledi jáne álemdik brendterdiń zamanaýı medısınalyq jabdyqtarymen: reanımasıalyq jabdyqtarmen, defıbrıllátorlarmen, elektrokardıograftarmen, ÓJJ apparattarymen jáne basqa da qajetti jabdyqtarmen jaraqtandyryldy, dep habarlaıdy Almaty-akshamy.kz QR Densaýlyq saqtaý mınıstrligine silteme jasap.
Almaty qalasy boıynsha shuǵyl medısınalyq kómekti, olar pasıentke ýaqtyly jetýdi eskere otyryp, aýmaqtyq ornalasqan jedel medısınalyq járdem qyzmetiniń 12 qosalqy stansıasy kórsetedi.
Qala ákimdiginde satyp alynǵan jańa mashınalar medısınalyq kómek kórsetý sapasyn jáne onyń jedeldigin jaqsartýǵa múmkindik beretinine senimdi.
Almatyda táýlik saıyn jelide 186 JMK brıgadasy jumys isteıdi jáne 3000-ǵa jýyq qońyraýǵa qyzmet kórsetedi. 2023 jyldyń qorytyndysy boıynsha jedel járdem brıgadalary 1 mln-nan astam shaqyrýdy oryndady. Qońyraýlardyń 93%-y 1-3-shi sanat boıynsha ýaqtyly jetýmen qamtamasyz etiledi.
Máselen, 2023 jyly ákimdik jergilikti búdjetten qarajat bóldi, bul sıfrlandyrý boıynsha jabdyqtar men baǵdarlamalyq qamtamasyz etýdi, sımýlásıalyq ortalyqtyń jabdyqtary men mýlájdaryn satyp alýǵa, qyzmetkerlerdi nysandy kıimdermen qamtamasyz etýge, medısınalyq jabdyqtardy (qashyqtyqtan EKG, ottegi ıngalátorlary) satyp alýǵa, qarjy lızıńi baǵdarlamasy boıynsha satyp alynǵan sanıtarıalyq avtokólikke ýaqtyly tehnıkalyq qyzmet kórsetýge múmkindik berdi.
2024 jylǵa 4 qosalqy stansıa salýǵa jáne 3 qosalqy stansıany kúrdeli jóndeýge JSQ ázirleý josparlanýda.
Jalpy, jedel járdem qyzmetin damytýdyń 2028 jylǵa deıingi tujyrymdamasyna sáıkes halyqtyń tyǵyzdyǵy men qalanyń damýyn eskere otyryp, 12 jańa qosalqy stansıa salý josparlanýda.