Almatydaǵy sýpermarketterdiń, bazarlardyń, SOSO-nyń, qoǵamdyq tamaqtandyrý men kásiporyndardyń jumysy týraly aqparat
2022 jylǵy 13 qańtardaǵy jaǵdaı boıynsha Almaty qalasynda 149 iri jáne orta sýpermarketterdiń 140-y (94%) jumys isteıdi. 31 saýda obektisi zardap shekti, onyń ishinde «Magným» - 19 (14 joıyldy), «Toımart» - 11 (10 joıyldy), «Interfýd» - 1. Olar 14 qańtardan bastap EsentaiGourmet, «Galmart» ashýdy josparlap otyr, dep habarlaıdy Almaty-akshamy.kz
Qala boıynsha 220 janar-jaǵarmaı quıý beketi bar, onyń ishinde 168-i ashyldy (76,4%). Búgin 5 jelilik emes jeke JJQB ashý josparlanýda.
Qalada 93 iri saýda obektisi bar (SOSO, SO, TÚ). 13 qańtardaǵy jaǵdaı boıynsha, 14 SOSO («Globýs», «Spýtnık», «Rıts Palas», «Alma-Ata», «Grand park», «Almaty moll», «Dostyq plaza», «Mega park», «Mega Alma-Ata», «Atakentmoll», «Mart», «Sılkýeı sıtı», «Alataý», «ADK), sondaı-aq 61 SO jáne t.b. jumys isteı bastady. 14 qańtardan bastap «Esentaımoll» SOSO jumysyn bastaýǵa daıyn. «Forým» SOSO qaladaǵy jaǵdaı turaqtanǵannan keıin kelýshiler úshin ashyq bolady.
TJ-dyń sońyna deıin spırttik ishimdikterdi satpaı-aq 9.00-den 18.00-ge deıingi rejımde 2 myńǵa jýyq qoǵamdyq tamaqtaný obektileri (65%) ashyldy. Búgin (13 qańtar) 500-ge jýyq qoǵamdyq tamaqtaný nysandaryn ashý josparlanýda. Qazirgi ýaqytta 39 qoǵamdyq tamaqtaný obektilerine zalal keltirilgeni anyqtaldy.
Búginde qaladaǵy 120 kásiporynnyń 91-i jumys isteıdi. Qalǵandary 14-19 qańtar aralyǵynda iske qosýdy josparlap otyr.