«Týrısik agenttik 45 mln teńgege aldady»: almatylyqtar beıneúndeý jarıalady.
Zardap shekkenderdiń biri İnstagram-daǵy óz paraqshasynda beıneúndeý jarıalady. Onyń aıtýynsha, bıyl jazda olar shetelde demalý úshin «Imagine Events» týrısik kompanıasyna júgingen. Kompanıa qyzmetkerleri klıentterge Túrkıa, Maldıv araldary, Chernogorıa, Mysyr jáne basqa da baǵyttarǵa týr satqan. Alaıda belgilengen kúni olardyń eshqaısysy bılet almaǵan, dep habarlaıdy Almaty-akshamy.kz QazAqparatqa silteme jasap.
Onyń aıtýynsha, qazirge deıin 50 zardap shegýshi jınalǵan. Aldyn ala keltirilgen shyǵyn kólemi 45 mıllıon teńgeden asady. Biraq bul kórsetkish eki ese kóp bolýy múmkin.
Almaty polısıa departamenti zardap shekkenderdiń aryzy qabyldanǵanyn málim etti.
«Qylmystyq kodekstiń 190-baby 4-bóligi («Asa iri kólemdegi alaıaqtyq») boıynsha qylmystyq istiń materıaldary óndiriste jatyr. İstiń mán-jaıyn anyqtaýǵa jáne bolashaqta kinálilerdi jaýapkershilikke tartýǵa baǵyttalǵan qajetti jedel-izdestirý sharalarynyń kesheni júrgizilýde», - dep habarlady polısıadan.