Almatyda jańa jekemenshik mekteptiń qurylysy qarjylandyryldy
«Almaty» ÁKK» AQ enshiles uıymy, «Almaty Finance» JSHS Almaty qalasy Naýryzbaı aýdanynda jekemenshik jalpy bilim beretin mekteptiń qurylysyn qarjylandyrdy6 dep habarlaıdy aqshamnews.kz.
Qaryz alýshy «Orken Education» JSHS 200 mln. teńgege óz qarajaty esebinen qurylys materıaldaryn ishinara satyp alýǵa jáne keıinnen birinshi qabattyń qurylysyna jumsady. Óz kezeginde, «Almaty Finance» JSHS oqý ornynyń qurylysyn aıaqtaýǵa jáne jabdyqtaýǵa 288 mln.teńge bóldi.
Jobany qarjylandyrý «Almaty Business-2025» kásipkerlikti damytýdyń óńirlik baǵdarlamasy sheńberinde júzege asyrylýda. Nesıe boıynsha syıaqy mólsherlemesi jyldyq 6%, qarjylandyrý merzimi 5 jyldy quraıdy. Qurylysty aıaqtaý 2025 jyldyń jazyna josparlanǵan. Ashylǵannan keıin jańa oqý ornyna bir ýaqytta 420 oqýshy kele alady.
«Jańa mekteptiń qurylysy Naýryzbaı aýdanynda mektep oryndarynyń jetispeýshiligi máselesin sheshýge múmkindik beredi. Joba sondaı-aq 50 jańa jumys ornyn qurýdy kózdeıdi. Sonymen qatar, jekemenshik mekteptiń qyzmeti esebinen jergilikti búdjetke salyq túsimderi ulǵaıady», - dedi «Almaty Finance» JSHS Basqarma tóraǵasynyń orynbasary Juldyz Igenov.