2024 jyly megapolıste belsendi jumyspen qamtý sharalarymen 38 253 adamdy qamtý josparlanýda.
Qazirgi ýaqytta jumyssyzdar retinde Eńbek utqyrlyǵy ortalyǵynda esepte 15 727 adam tur, olardy turaqty jumys oryndaryna ornalastyrýdy josparlap otyr, dep habarlaıdy Almaty-akshamy.kz.
Bul týraly Óńirlik komýnıkasıalar qyzmetiniń brıfıńinde Almaty qalasynyń Eńbek utqyrlyǵy ortalyǵy dırektorynyń mindetin ýaqytsha atqarýshy Aslanbek Qýanyshov málimdedi.
«Osy kezde ortalyqqa 4 905 adam júginip, 15 727 adam jumyssyz retinde tirkeldi, onyń ishinde 13001 adam ótken jyldary tirkelgen. 2024 jyly belsendi jumyspen qamtý sharalarymen 38 253 adamdy qamtý josparlanǵan, 2023 jyly jospar 43 004 adamdy qurady, sharalarmen 52 928 adam qamtyldy, bul 123% qurady», - dedi A.Qýanyshov.
Ótken jylǵy málimetterge sáıkes, eńbek utqyrlyǵy ortalyǵyna 61 563 adam júgingen, onyń ishinde 41 120 adam jumyssyz retinde tirkelgen. Ár túrli sebeptermen 41 432 adam jumyssyz retinde tirkeýden shyǵaryldy.
Aǵymdaǵy jyly kásiptik oqytýǵa 950 adamdy jiberý josparlanýda, onyń ishinde bilim berý uıymdarynda kásiptik oqytýǵa 740 adam jiberiletin bolady. Qalǵan 210 adam jumys berýshilerden jumys ornynda oqytylady.
Sondaı-aq, kásipkerlik qyzmetke járdemdesý sharalary jalǵasýda.
Memlekettiń qoldaýyna senetin 2000-ǵa jýyq adam kásipkerlik negizderine oqytýǵa jiberiletin bolady. 2023 jyly 9 920 adam oqýdy bastady, onyń 7 390-y oqýdy aıaqtady, bul 74,5% quraıdy. Oqýdy aıaqtaý qorytyndysy boıynsha:
- grant alyp, 4 909 adam óz isin ashty;
- kásipker retinde 114 adam tirkeldi;
- 146 adam jumysqa ornalasty.
Oqytý rásimi onlaın formatta ótedi, bilim alǵysy keletinder business.enbek.kz portalynda óz betinshe tirkelip, oqýdan óte alady.
«Jańa bıznes-ıdeıalardy iske asyrýǵa 358 óteýsiz grant berý josparlanǵan. 2023 jyly bólingen 3 aǵyn boıynsha 375 grant berildi, onyń ishinde 374 adam óz isin ashty, 1-ýi keri qaıtaryldy. 662 shaǵyn nesıe berý josparlanǵan. 2023 jyly 253 adam ótinish bildirip, 201 joba maquldandy, 135 kásipker aldy», - dedi A. Qýanyshov.
Nesıe alý úshin Almaty qalasy, Medeý aýdany, Sátpaev kóshesi, 5-úı mekenjaıy boıynsha «Agrarlyq nesıe korporasıasyna» júginý qajet.
Budan basqa, ortalyq sýbsıdıalanatyn jumys oryndaryn uıymdastyrady. Máselen, «Qoǵamdyq jumystar» baǵdarlamasymen 2024 jyly 6 932 adamdy qamtý josparlanýda. 2023 jyly jospar boıynsha 12 487 adam, 13 241 adam jiberildi, sharalar aıaqtalǵannan keıin turaqty oryndarǵa 8 474 adam jumysqa ornalastyryldy.
«Áleýmettik jumys oryndary» baǵdarlamasy boıynsha 480 adamdy jiberý josparlanýda. 2023 jyly jospar boıynsha 980 adam 985 adam jiberildi, sharalar aıaqtalǵannan keıin 799 adam turaqty oryndarǵa ornalastyryldy.
«Jastar tájirıbesimen» 882 adamdy qamtý josparlanýda. 2023 jyly 899 adam joldandy, onyń 665-i jalǵastyrýda. Sharany 234 adam aıaqtady, onyń ishinde 103 adam turaqty oryndarǵa ornalastyryldy.
«Birinshi jumys orny» jobasy boıynsha 2024 jyly 400 adamdy qamtý josparlanǵan, 2023 jyly jospar boıynsha 937 adam, 413 adam jiberildi, onyń ishinde 310 adam sol jumystaryn jalǵastyrýda. Sharany 103 adam aıaqtady, onyń ishinde 37 adam turaqty oryndarǵa ornalastyryldy.
«Urpaqtar kelisimsharty» jobasy boıynsha 2024 jyly 4 adamdy qamtý josparlanýda, 2023 jyly 4 adam jiberildi, onyń ishinde 1 adam turaqty jumysqa ornalastyryldy.
«Kúmis jas» jobasy boıynsha 2024 jyly 400 adam qamtylady, 2023 jyly jospar boıynsha 930 adam 385 adam jiberildi, onyń 324-i jalǵasýda. Sharany 61 adam aıaqtady, onyń ishinde 15 adam turaqty oryndarǵa ornalastyryldy.