Almatynyń Almaly aýdanynda 1979 jyly paıdalanýǵa berilgen qubyr aýystyrylyp jatyr
Almatyda Gogol kóshesiniń soltústiginde, Áýezov jáne Rozybakıev kósheleri arasyndaǵy ónerkásiptik aımaqta ornalasqan qubyr aýystyrylady. Qubyr 1979 jyly paıdalanýǵa berilgen, dep habarlaıdy aqshamnews.kz «Almaty jylý júıesi» JSHS-ne silteme jasap.
Jalpy uzyndyǵy 1,2 shaqyrym bolatyn jylý trassasy qaladaǵy 120-dan astam nysandy jylýmen qamtamasyz etedi.
Almaly jáne Jetisý aýdandarynyń turǵyndaryn jazǵy maýsymda turaqty ystyq sýmen qamtamasyz etý úshin ýaqytsha qubyr jelisi tartylady.
Ýaqytsha qubyr jelisin qosý úshin 2025 jylǵy 2 mamyrda saǵat 9:00-den 17:00-ge deıin Tóle bı – Karımov – Rysqulov – Chokın kósheleriniń aýmaǵyndaǵy birneshe turǵyn jáne basqa da ǵımarattarǵa ystyq sý berý shekteledi.
Jalpy, bıyl qala boıynsha 39 km jylý jelisin rekonstrýksıalaý josparlanǵan. Bul tozý deńgeıin 54%-ǵa deıin tómendetýge múmkindik beredi.
Ýaqytsha qolaısyzdyqtarǵa túsinistikpen qaraýyńyzdy suraımyz.