Almatyda órt sóndirýshiler órtenip jatqan úıden 3 eresek adam men 1 balany aman alyp shyqty.
16 mamyr, 12:55-te Almaty qalalyq Tótenshe jaǵdaılar departamentine órt týraly habar túsken.
Órt Medeý aýdany Núsipbekov kóshesiniń boıynda ornalasqan turǵyn úıdiń ekinshi qabatynda tutanǵan. Onda 4 sharshy metrdi quraıtyn jýyný bólmesinen órt shyqqany anyqtaldy, dep habarlaıdy Almaty-akshamy.kz.
Qyzyl jalynnyń tútini tutas úıge tarap, turǵyndardyń ómirine qaýip tóngen.
Órt sóndirýshiler shaqyrtý túsken mekenjaıdan óz betinshe syrtqa shyǵa almaǵan 4 eresek pen 1 balany qutqardy.
«Quramynda aǵa ınjener B.Januzaq, bólim komandıri I.Arýpov, aǵa órt sóndirýshi-qutqarýshy N.Sadyrov, órt sóndirýshi E.Erkinbaı, D.Jýsanbaev bar gaz jáne tútinnen qorǵaý qyzmetiniń bólimshesi tórt adamdy qutqardy, olardyń biri bala. Qımyl-qozǵalysy shektelgen er adam zardap shekken joq», - dep habarlady Almaty TJD.