Kúdikti sórelerden uıaly telefon, qulaqqap jáne basqa da kerek-jaraqtardy urlaǵan
Almatyda 32 jastaǵy aqmolalyq tehnıka dúkenderin tonap ketti, dep habarlaıdy Almaty-akshamy.kz Almaty PD-ne silteme jasap.
Jedel-izdestirý is-sharalarynyń nátıjesinde polısıa qyzmetkerleri qylmys jasady degen kúdikpen Aqmola oblysynyń turǵynyn anyqtady jáne ustady.
«Kúdiktige qatysty QR QK-niń 188-baby 3-bóliginiń 2-tarmaǵy boıynsha sotqa deıingi tergeý bastaldy. Ustalǵan azamat tehnıka dúkenderin aralap júrip, sórelerden uıaly telefondar, qulaqqaptar jáne basqa da kerek-jaraqtardy urlap, oljany kúrteshege nemese rúkzakqa salyp, qylmys bolǵan jerden jasyrynyp júrgeni anyqtaldy. Ár joly er adam bir tizbekpen áreket etti. Qazirgi ýaqytta tergeý ustalǵan azamattyń bótenniń múlkin urlaýdyń 8 epızodyna qatysy baryn dáleldedi», – dep habarlady Áýezov aýdandyq PB bastyǵy Ulan Ábilhaıyr.
Belgili bolǵandaı, qaskúnem urlanǵan múlikti satyp, odan túsken aqshany óz qajettilikterine jumsaǵan. Kúdikti qamaýǵa alyndy.