Elimizde sheteldik kólikterdi zańdastyrý 23 qańtardan bastalǵan.
Bir kúnde 125 kólik qazaqstandyq tirkeýge qoıylǵan, dep habarlaıdy Almaty-akshamy.kz
"Búgingi tańda 3 myńǵa jýyq kólik tirkeý rásiminen ótti. Keshegi kúni ǵana Almatydaǵy tórt arnaıy HQKO-da 125 kólik qazaqstandyq tirkeýge qoıyldy. Eksterrıtorıaldylyq qaǵıdasy qoldanylatynyn aıtyp óteıik. Almaty qalasynda tirkelgen sheteldik kólikterdiń jalpy sanynan 880 kólik 05 aımaqtyń (Almaty oblysy), 475 - 08 aımaqtyń (Jambyl oblysy), 73 - 19 aımaqtyń (Jetisý oblysy), 57 kólik - 13 aımaqtyń (Túrkistan oblysy) jáne t.b. aımaqtardyń nómirlerin aldy. Bul jumys Memleket basshysynyń 2022 jylǵy 1 qyrkúıekke deıin Qazaqstan Respýblıkasyna ákelinetin sheteldik avtokólikterdi zańdastyrý týraly tapsyrmasyn iske asyrý aıasynda júrgizilýde", - dedi Almaty qalalyq PD Ákimshilik polısıa basqarmasynyń bastyǵy Asqat Qulbaev.