Jedel jaǵdaıdy turaqtandyrý, kámeletke tolmaǵandar arasyndaǵy qylmystyń jolyn kesý, sondaı-aq balalardyń qadaǵalaýsyz jáne panasyz qalýynyń, balalar eńbegin paıdalanýdyń aldyn alý maqsatynda Almaty qalasynyń Túrksib jáne Jetisý aýdandarynda jergilikti is-shara júrgizildi, dep habarlaıdy aqshamnews.kz Polisia.kz-ke silteme jasap.
– Negizgi maqsat – kámeletke tolmaǵandar arasyndaǵy quqyq buzýshylyqtyń aldyn alý jáne eskertý, qaraýsyz qalǵan jáne panasyz qalǵan kámeletke tolmaǵandardy, olardyń túngi ýaqytta zańdy ókilderiniń erip júrýinsiz oıyn-saýyq mekemelerinde nemese úıden tys jerde bolýyn, kámeletke tolmaǵandardy quqyq buzýshylyqtar jasaýǵa tartatyn eresekterdi anyqtaý, – dedi Almaty qalalyq PD jergilikti polısıa qyzmeti basqarmasynyń bastyǵy Serik Shýmaev.
İs-sharany uıymdastyrýshylardyń aıtýynsha, túnde 31 jastar jınalatyn oryn, 20 meıramhana, dámhana, bar, túngi klýb, sondaı-aq 6 kompúterlik klýb tekserildi. Nátıjesinde 29 kámeletke tolmaǵan jasóspirim ustalyp, polısıaǵa jetkizildi, onyń 5-i túngi demalysyn oıyn zaldarynda ótkizgen. Jasóspirimderdiń ata-analaryna «Zań men tártip» qaǵıdatyn iske asyrý boıynsha sharalar qabyldandy.