Qalpyna keltirý jumystary 22 naýryzǵa deıin júrgiziledi
Qańtardaǵy jappaı tártipbuzýshylyq kezinde Gogol men Pýshkın kósheleri qıylysyndaǵy 28 panfılovshy saıabaǵynda 9 sharshy metr granıt taqtaısha qıratylyp, kireberistegi jazýdyń 5 árpi urlanǵan bolatyn. Sondaı-aq Máńgilik alaý mańynan 2 árip urlanyp, jaýyngerlerdiń aty jazylǵan 4 shoıyn eskertkish buzyldy. Qalpyna keltirý jumystary aqpan aıynda aıaqtaldy.
Alaıda qalpyna keltirý jumystary aıaqtalǵannan keıin 4 naýryz saǵat 10:00-de Gogol kóshesi jaǵyndaǵy kireberistegi taǵy 2 áriptiń jáne eskertkishten 8 shoıyn mańdaıshanyń joǵalǵandyǵy anyqtaldy, dep habarlaıdy Almaty-akshamy.kz
5 naýryzda 2 qola áriptiń urlanǵandyǵy anyqtaldy. Buzylǵan granıt pen joǵalǵan áripterdiń jalpy shyǵyny 5,7 mln. teńge boldy.
Joǵaryda atalǵan faktilerdi Almaty qalasynyń polısıa departamenti tirkep, saıabaqtaǵy polısıa jumysy kúsheıtildi.
"Qalpyna keltirý jumystary 22 naýryzǵa deıin júrgiziletin bolady. Tarıhı eskertkishterge qatysty vandalızm faktileriniń jıilep ketkendigine baılanysty qala ákimdigi almatylyqtardy qala múlkine muqıat qarap, óz tarıhymyzǵa syılastyq tanytýǵa shaqyrady", - delingen habarlamada.