Almaty qalasynda ótken "Qarasora" jedel-aldyn alý is-sharasy barysynda esirtkige qarsy kúres basqarmasy iri kólemdegi esirtki zatyn tárkiledi, dep habarlaıdy Aqshamnews.kz tilshisi Polisia.kz-ke silteme jasap.
Polısıanyń málimetinshe, ekologıalyq bekette 59 jastaǵy qala turǵyny basqarǵan Toyota toqtatylǵan. Keıin Naýryzbaı aýdanyndaǵy onyń úıine júrgizilgen tintý kezinde aýladan 13 túp qarasora anyqtaldy. Saraptamaǵa sáıkes, tárkilengen esirtkiniń jalpy salmaǵy 24 keli 680 gram.
Qazirgi ýaqytta kúdikti ustalyp, ýaqytsha ustaý ızolátoryna qamaldy. Atalǵan derek boıynsha sotqa deıingi tergeý amaldary júrgizilip jatyr.
"Polısıa qyzmetkerleri esirtki taratýdyń jolyn júıeli túrde kesip keledi. Jedel ýákilder, arnaıy jasaq jáne kınologtardyń úılesimdi jumysynyń nátıjesinde zańsyz aınalymǵa túsýi múmkin bolǵan iri kólemdegi qarasoranyń joly kesildi. Esirtki qylmystaryn anyqtaý jáne olardyń aldyn alý sharalary jalǵasyn tabady", – dedi Almaty qalalyq polısıa departamenti esirtki qylmysyna qarsy kúres basqarmasynyń bastyǵy Murat Jumabaev.