Májilis depýtaty Baqytjan Bazarbek jankúıerler men Ýels fýtbol federasıasynyń shaǵymdarynan keıin Qazaqstandaǵy fýtbol stadıondarynyń jaǵdaıyna narazylyq bildirdi. Ol jurt asyǵa kútip júrgen "Qaırat-Real Madrıd" machyn Astanada uıymdastyrýdy usyndy, dep habarlaıdy Aqshamnews.kz tilshisi.
Depýtattyń sózinshe, sheteldik jankúıerler, sonyń ishinde "Real Madrıd" jankúıerleri, stadıonǵa jáne joldyń uzaqtyǵyna, qyrkúıek aıynyń aıaǵyndaǵy sýyq aýa raıyna da narazy bolýy múmkin.
"Qazaqstannyń abyroıy úshin qajet bolsa negizgi arenaǵa kóshiretindeı fýtbol federasıasy bar múmkindikti qoldanýy kerek", – dedi ol.
Bazarbek halyqaralyq machtar eldiń bedelin kórsetýi keregin atap ótti. Ol Qazaqstan fýtbol federasıasyna eki stadıonnyń formatyn qarastyrýdy usyndy: mańyzdy oıyndardy "Astana Arenada", al deńgeıi tómenirek qarsylastarmen kezdesýlerdi Almatydaǵy "Ortalyq" stadıonynda ótkizý – eń tıimdi sheshim dep sanaıtynyn otandyq BAQ-tardyń birine bergen suhbatynda aıtty.
Eske salaıyq, 30 qyrkúıekte Almatylyq "Qaırat" fýtbol klýby chempıondar lıgasynyń negizgi kezeńinde koróldik klýb Real Madrıdpen teketiresedi. Oıyn "Ortalyq stadıonda" ótedi.