Bul tájirıbe birneshe jyl buryn qalalyq sport basqarmasynyń bastamasymen megapolıste paıda boldy. Búgin «Eńbek» baǵdarlamasy aıasynda 22 maman jumysqa kiristi, olar 500-ge jýyq balany oqytady.
Almaty qalalyq sport basqarmasynyń basshysy Rústem Baıseıitov bul jumystyń qalaı uıymdastyrylǵanyn aıtty, dep habarlaıdy Almaty-akshamy.kz
Rústem Baıseıitov atap ótkendeı, Almatynyń alty aýdanynda jekpe-jekti oqytý ortalyqtary ashyldy. Jattyǵýlardy balalar men jasóspirimder sport mektebiniń 14 jattyqtyrýshysy júrgizedi. Sonymen qatar qalanyń 8 aýdanyndaǵy 50 demalys ortalyǵynda sport seksıalary men úıirmeleri aqysyz jumys jasaıdy, olarda 5 280 adam qamtylǵan.
Sport basqarmasynyń basshysy 2023 jylǵa qaraı qaladaǵy ortalyqtardy 200-ge deıin jetkizý josparlanyp otyrǵanyn, bıyl qosymsha 50 ortalyq ashylatynyn aıtty.
Rústem Baıseıitov almatylyq mektep oqýshylarynyń jazǵy demalys kezinde sporttyq ómirge qalaı tartylǵanyn aıtyp berdi.
«Bıyl 8-12 jas aralyǵyndaǵy balalarǵa júzý negizderi boıynsha tegin oqytýdyń qalalyq baǵdarlamasy qoldanyldy. Barlyǵy 2100 bala qamtyldy, onyń ishinde balalar úıiniń tárbıelenýshileri de bar. Sondaı-aq, Almaty qalasynyń aýlalyq komandalary arasynda 4500-den astam balany qamtıtyn fýtbol lıgalary uıymdastyryldy», - dedi Rústem Baıseıitov.
